ТОС «Теплица» быйыл РФ Президенин граныгар «Движение -это жизнь, а жизнь движение» диэн бырайыагынан кыайан, араас хабааннаах спортивнай тэрээһиннэри тэрийэр. Оҕолор, төрөппүттэр биир санаанан чөл олоххо тардыһан, бэйэни чэбдигирдэн, араас хамсаныылары оҥорон, бэйэ ис туругун, доруобуйатын хас күн аайы бөҕөргөтүнэ сылдьыахтаахтар.
Ону көҕүлүүр сыаллаах бүгүҥҥү тэрээһин олох биир тыынынан күргүөмнээхтик буолан ааста. Араас площадкалар үлэлээтилэр:
- Массаж — Кулачикова С.Н.
- Йога — Кривошапкина А.И.
- Аэробика — Иннокентьева Т.И.
- Эти-сиини сайыннарыы — Слепцова Т.П
- Скандинавскай хаамыы — Дайбаннырова В.П
Тыа сирин көҕүлээһинин дирекциятын үлэһиттэрэ граҥҥа хайдах кыттыахха сөбүн туһунан элбэх сүбэни-аманы биэрдилэр, иһитиннэрии оҥордулар.
«Нэһилиэгим олохтоохторо чөл олоҕу тутуһуҥ, доруобуйаҕытын харыстааҥ! Биһиги тэрээһиннэрбитигэр куруук көхтөөхтүк кыттыҥ!»— диэн граны кыайбыт салайааччы Дианна Соломонова бар дьонугар туһаайан этиитинэн тэрээһин түмүктэннэ.
Валентина КРИВОШАПКИНА,
Харбалаах, Үөһээ Бүлүү
keskil14.ru