Олунньу 24 күнүгэр биһиги үөрэхтээһиммит холбоһугар «Аҕа дойдуну» көмүскээччилэр күннэригэр аналлаах бэртээхэй тэрээһин буолан ааста. 1 кылаастан 11 кылааска диэри үөрэнээччилэр бары тэрийээччилэр бэлэмнээбит араас куонкурстарыгар көхтөөхтүк кытыннылар.
Тэрээһин маннык тосхолунан барда:
1. «Анал байыаннай дьайыыга — биир дойдулаахтарбыт» ахтыы чааһа.
2. »Байыаннай хаамыыга уонна ырыаҕа кылаастарынан күрэх».
3. Уолаттарга аналлаах байыаннай оонньуу. (5-11 кыл.) Уруоктар бүтээттэрин кэннэ, «Анал байыаннай дьайыы кыттыылаахтарын туһунан билиһиннэрии буолла. Марфа Прокопьевна Халыева, Валентина Викторовна Блахирова биһиги нэһилиэкпититтэн АБДь-га кытта сылдьар хорсун биир дойдулаахтарбыт туһунан кэпсээтилэр.
Ол кэнниттэн кылаастарынан байыаннай хаамыыга уонна строевой ырыаҕа күрэх буолла, онно бары кылаас үөрэнээччилэрэ строевой бэлэмнэрин көрдөрдүлэр. Хас биирдии кылаас строевой бэлэмнэнии ураты элеменнэрин билиһиннэрбиттэрэ. Ол кэнниттэн түмүгү иһитиннэрдилэр.
Байыаннай хаамыыга уонна ырыаҕа кылаастарынан күрэх түмүк маннык буолла. Алын кылаастарга: 4 кылаас -1 миэстэ, 2 кылаас-2 миэстэ, 1 кылаас- 3 миэстэ Орто сүһүөхтэргэ: 8 кылаастар-1миэстэ,7 кылаастар-2 миэстэ, 5 кылаастар-3 миэстэ Үрдүкү сүһүөхтэргэ: 11 кылаас-1 миэстэ, 10 кылаастар-2миэстэ, 9кылаастар-3 миэстэни ыллылар. «Бастыҥ командир»: кыраларга Эрчимэн Ананьев, ортолорго- Эрсан Халыев, улахаттарга- Миша Спиридонов буоллулар. «Бастыҥ эдэр саллаат»аатын орто сүһүөхтэргэ Алеша Васильев, улахаттарга Бястинов Айсен сүгэр чиэскэ тигистилэр. «Лучшая военная песня» номинация кыра сүһүөххэ 4 кылаастар, орто сүһүөххэ 8-тар, улахан сүһүөххэ 11-тэр. «Лучшая строевая подготовка» 4, 8, 11 кылаастар номинациянан бэлиэтэннилэр. «Лучшая военная форма» 4, 5, 11 кылаастар номинация ыллылар.
Киэһэ 9 кылаас үөрэнээччилэрэ уолаттарга анаан көрдөөх эстафетаны тэрийдилэр. Хамаандалар араас спортивнай оонньууларга күрэхтэстилэр, ол курдук, харгыстаах сүүрүүгэ уолаттар харгыстары туораан, эттэрин-сииннэрин сайдыытын үөрүйэхтэрин көрдөрдүлэр. Канат тардыһыытыгар кими да солуута суох хаалларбат кыайыы иһин хамаанданан киирсии буолла.
Күрэҕи көрөөччүлэр көхтөөхтүк өйөөтүлэр, кыайыылаахтар бириистэринэн наҕараадаланнылар. Бырааһынньык уопсай фото-сессиянан түмүктэннэ. Маннык тэрээһин кылаас кэлэктииптэрин түмэр, оҕолор бэйэлэрин кыана үөрэнэллэрин ситиһэр, дойдуга бэриниилээх буоларга иитэр.
Тася АНДРЕЕВА,
Харбалаахтааҕы үөрэхтээһин холбоһугун 9 кылааһын үөрэнээччитэ
keskil14.ru