Таатта улууһугар олунньу 11 күнүттэн саҕалаан үс күннээх Саха өрөспүүбүлүкэтин Бырабыыталыстыбатын отчуота буолла. Отчуот улуус киинигэр Ытык Күөлгэ түмүктэннэ. Бөлөҕү СӨ Бырабыыталыстыбатын бэрэссэдээтэлэ Георгий Михайлович Степанов салайар. Бу күннэр устата икки бөлөҕүнэн арахсан улуус 14 нэһилиэктэрин хабан үлэлээтилэр.
Биһиги бастакы ыйытыкпытын, тыа сирин сайдыытыгар туох саҥа сүүрээннэр киирдилэр диэн боппуруоһу СӨ тыа хаһаайыстыбатын миниистирин бастакы солбуйааччытыгар Анна Александровна Стручковаҕа биэрдибит. Анна Александровна чуолаан агрокылаастар тустарынан кэпсээтэ. Тыа сиригэр араас идэлээх үлэһиттэр эрдэттэн оскуола саҕаттан иитиллэн, идэлэрин чопчу тобулан тахсалларыгар ханнык көмөнү министерство өттүттэн ылыахха сөбүн туһунан олус интэриэһинэйдик сырдатта.
Биһиги улууспутугар ордук туох кыһалҕа баар эбитий? диэн ыйытыкпытын СӨ Үөрэҕин уонна наукатын министиэристибэтин уопсай үөрэхтээһин судаарыстыбаннай бэлиитикэтин департаменын салайааччытыгар Петрова Дария Александровнаҕа биэрдибит.
Дария Александровна ордук саҥа оскуола уонна оҕо уһуйаанын тутуутун боппуруоһа сытыытык турар диэн кэпсээтэ. Учууталлар БКЭ кэмигэр үлэлиир чаастарын төлүүрү туруорустулар. Төрөөбүт төрүт тылбыт, сурукпут күнүнэн эҕэрдэлээтэ.
СӨ тас сыһыаннарга уонна норуоттар дьыалаларын министиэристибэтин бастакы солбуйааччыта Сергей Александрович Хатылыков биһиги оскуолабыт выпускнигын көрсөн идэни талыы, туруоруммут сыалы ситиһии тула кэпсэттибит. Үөрэппит оскуолатыгар уонна учууталларыгар махталын тиэртэ. Саҥа оскуолаҕа үөрэнэр дьоллооххут, учугэйдик үөрэнэргэ толору кыах баар буолла. Иннигит диэки баран иһин диэн алгыс тылын анаата.
Биһиги бүгүн төрөөбүт улууспут сайдыытын уонна ханнык кыһалҕалар баалларын биллибит. Отчуот саҕаланыытыгар үлэ дьонун чиэстээтилэр, үрдүк наҕараадалары туттардылар. Кэпсэппит дьоммут олус култуурунай, биһигини оҕолору кытта түргэнник уопсай тылы булан кэпсэппиттэригэр сөхтүбүт уонна махтанабыт. Уонна саамай кылаабынайа, отчуокка сылдьыбыт биир дойдулаахтарбыт баар эрэ кыһалҕаны эппэккэ үгүс үлэ барарын бэлиэтээтилэр, махтаннылар. Маны барытын харахпытынан илэ көрөн-истэн тутум үрдээн дьиэлээтибит.
Кэпсэтиини бу видеоҕа көрүөххүтүн сөп:
Эрхан Павлов, Вася Богданов, Алеша Саввин А.Е.Мординов аатынан Таатта лиссиэйин юнкордара