Биһиги оскуолабытыттан хас да оҕо «Инникигэ хардыы» научнай-практическай кэмпириэнсийэҕэ кытынна. Олортон VII кылаас үөрэнээччитэ Афоня Томскай ситиһиилэннэ. Мин кинини кытта кэпсэтэ тиийдим.
— Афоня, ситиһиигинэн эҕэрдэлиибин! Хаһыс миэстэ буоллуҥ?
— Махтал, мин II миэстэ буоллум. Өрөспүүбүлүкэҕэ бу маҥнайгы кыттыым.
— Төһө долгуйдуҥ?
— Олус долгуйбутум, хаһан да маннык элбэх киһи иннигэр саҥара илик буоллаҕым.
— Ханнык тиэмэнэн кытынныҥ? Салайааччыҥ
кимий?
— Салайааччым Ирина Викторовна Соколова диэн. Кини химия, биология учуутала. «Приготовление лекарственных средств из одуванчика и мой первый бизнес» диэн тиэмэнэн кытынным.
— Сайыны быһа дьарыктанаҕын?
— Дьарыктанан, кэтээн көрөн, уопут оҥорон, элбэх үлэни көрүстүм.
— Кэлэр өттүгэр туох былааннааххыный?
— Салгыы төрөөбүт дойдум отун-маһын үөрэтиэм. Биһиги айылҕабыт олус баай, билбэппит элбэх.
— Эмиэ бэйэҕэр уопут оҥорор буоллаҕыҥ дии.
— Оннук, атын киһиэхэ оҥорор сэрэхтээх.
— Афоня, эйиэхэ өссө үрдүк ситиһиилэри баҕарабын.
— Махтал,— диир Афоня, мичээрдии-мичээрдии.
Афоня араас кэмпириэнсийэлэргэ эрэ ситиһиитинэн муҥурдаммат, кини саахыматтыырын, дуобаттыырын, теннис оонньуурун олус сөбүлүүр. Үөрэҕэр бастыҥнар кэккэлэригэр сылдьар. Доҕоро Саша Колесовтыын оскуолаҕа ыытыллар бары тэрээһиҥҥэ көхтөөхтүк кытталлар. Кинилэрэ суох туох да буолбат.
Алиса Рожина, «Саһарҕа» пост эдкора, XI кылаас,
Эҥэ орто оскуолата, Дьааҥы.