Сунтаар оройуонун үөрэҕириитин сайдыытыгар улахан кылааты киллэрбит, Сунтаардар киэн туттар киһилэрэ, учуутал, гражданскай сэрии кыттыылааҕа, тыыл, үлэ бэтэрээнэ Иннокентий Афанасьевич Колесников төрөөбүтэ 125 сааһыгар анаан улуус математикаҕа, физикаҕа олимпиадата буолла.
Иннокентий Колесников Сунтаар улууһун бастакы математига буолар. Кини 1929 сылтан 1959 сылга дылы оскуолаҕа үлэлээбитэ. Бастакы нүөмэрдээх оскуола математиктарын уонна физиктарын методическай холбоһуга математикаҕа уонна физикаҕа үбүлүөйдээх улуустааҕы олимпиада ыытылынна. Олимпиада олус тэрээһиннээхтик буолла. Олимпиадаҕа барыта 17 оскуолаттан 189 оҕо кытынна. Үөрэнээччилэр уонна учууталлар мустубут киэҥ саалатыгар дьоро күнү 1 нүөмэрдээх оскуола дириэктэрэ Тотонов Айаал Валерьевич үөрүүлээхтик аста. Сиэн балтылара Тимофеева Елена Даниловна, Иванова Евдокия Николаевна кэлэн тыл эттилэр. Оскуола бибилэтиэкэрэ Сивцева Ирина Николаевна саалаҕа мустубут оҕолорго уонна учууталларга Иннокентий Афанасьевич Колесников туһунан кэпсээтэ Бу олимпиаданы сиэнэ Васильев Иннокентий Давыдович уонна Колесниковтар династиялара үбүлээтилэр. Миэстэлэспит оҕолорго мэтээл, грамота уонна харчыннан бириэмийэ биэрдилэр.
Нарыйа Максимова, VIII кылаас, Күндэйэ:
— Мин санаабар олус үчүгэй тэрээһин буолла, сөбүлээн иккис сылбын кытта турабын.Бу быйылгы олимпиадаҕа мин үһүстээтим, былырыын бастаабытым. Миэстэлэспит оҕолорго грамота, харчынан бириэмийэ уонна мэтээл биэрэллэр. Олимпиадаҕа үс-түөрт чааһы биэрэллэр. Аҥар сорудахтара математика уонна аҥара физика буолар. Манна кыһаллан туран уонна үчүгэйдик үөрэннэххинэ эрэ миэстэлэһэр кыахтааххын.
Саша Сидоров, XI кылаас, Тойбохой:
— Мэлдьи буоларын курдук, олимпиадаҕа элбэх оҕо курэстэстэ. Бу олимпиадаҕа иккиһин ситиһиилэктик кыттары ситистим. Ол курдук, 7 кылааска сылдьан 2-с миэстэҕэ тиксибитим. Быйыл кыайыылааҕынан таҕыстым. Миигин математикаҕа Саха республикатын үөрэҕириитин туйгуна Наталья Михайловна Коколова үөрэтэр, оттон физикаҕа учууталым Саха республикатын уорэ5ириитин туйгуна Венера Егоровна Степанова буолар. Заданиелар интэриэьинэй этилэр. Олимпиада түмүгүнэн кыайыылаахтарга уонна призердарга харчынан бириэмийэ биэрэллэр, тэрээһин кыттааччыларга ураты дьулууру, интэриэһи үөскэтэр. Түгэнинэн туһанан, кыайыыны ситиһэрбэр олук уурбут үөрэтэр учууталларбар, олимпиаданы үрдүк таһымнаахтык тэрийбит Сунтаар 1 №-дээх нүөмэрдээх оскуола коллективыгар бар5а махталбын тиэрдэбин.
Түмүккэ бириистээх миэстэлэри ыллылар:
7 кылаас:
1 миэстэ — Оконешникова Амелия, Хадан орто оскуолата
2 миэстэ — Акимова Надежда, Куокуну орто оскуолата
3 миэстэ — Чойнова Злата, Хадан орто оскуолата
8 кылаас:
1 миэстэ — Иванова Владиана, Элгээйи орто оскуолата
2 миэстэ — Федоров Михаил, Сунтаар 1№-дээх оскуолата
3 миэстэ — Максимова Нарыйа, Күндэйэ орто оскуолата
9 кылаас:
1 миэстэ — Глухарев Тимур, Бүлүүчээн лиссиэй-интэринээт
2 миэстэ — Горбунов Мирослав, Хоро орто оскуолата
3 миэстэ — Лукиянчук Амина, Сунтаар 1№-дээх оскуолата
10 кылаас:
1 миэстэ — Александров Даниил, Кутана орто осуолата
2 миэстэ — Егоров Анатолий, Сунтаар 1№-дээх оскуолата
3 миэстэ — Гоголев Туйгун, Кутана орто оскуолата
11 кылаас:
1 миэстэ — Сидоров Александр, Тойбохой орто оскуолата
2 миэстэ -Васильева Уйгуна, Тойбохой орто оскуолата
3 миэстэ — Семенова Анисия, Сунтаар 1№-дээх оскуолата
Бу курдук, олимпиада кыттааччылара бары да сүргэлэрэ көтөҕүллэн тарҕастылар.
Семенова Анисия, XI «А» кылаас,
Сунтаар бастакы нүөмэрдээх орто оскуолата, “Дьулуур” медиакиин