Бүгүн тохсунньу 28 күнүгэр “Сосновый бор” лааҕырга сынньана сылдьар юнкордар 2№-даах Бырабыыталыстыба дьиэтигэр үөрэх министерствотыгар тиийдибит. Онно тиийээт биһиги үөрэх миниистирин бастакы солбуйааччытын Ньургун Павловы кытта көрсөн кэпсэттибит. Мин икки ыйытыыбар кини маннык эппиэттээтэ.
— Школа хозяйств РС(Я)” федеральнай программанан үөрэнээччилэр үлэлиирбитигэр саҥа технологиялартан туох баар буоларый?
38 сыл анараа өттүгэр биһиги мындыр салайааччыларбыт сокуоҥҥа киллэрэннэр, республикабытыгар агрооскуолалары тэрийбиттэрэ. Билигин агрооскуолалар агротехнологическай хайысханан үлэлиир эбит буоллахтарына, биһиги кэлиҥҥи сылга оскуола салайааччыларын, агро хайысха үлэһиттэрин, экспердэри кытта үлэлэһэн баран, саҥа сайдыы суолугар үктэниэхтээхпит диэн быһаарыныы ылыммыппыт.
Агрооскуолаларбыт “Школа-хозяйство” диэн буолуохтаахтар диэн этии киллэрэммит, билигин сокуон оҥоһулла сылдьар. Бу сокуон бырайыагын оҥорорго үөрэх уонна билим министерствотын сорудаҕынан биһиги комиссия тэрийбиппит. “Школа-хозяйство” диэн саҥа терминологияны 2025 сылга былырыын бырайыагын оҥордубут. Оскуолаларга туох барыстааҕый, тоҕо ордугуй диир эбит буоллахха, инники сылларга агрооскуолалар үөрэх министерствотыттан эрэ эбии төлөбүр ылар эбит буоллахтарына, бу саҥа бырайыагынан атын министерстволартан эмиэ үп-харчы көрүллэр буолуоҕа. Холобура, тыа хаһаайыстыбатын, урбаан министиэристибэтиттэн уонна да атын ведомстволартан эбии көмөнү, үбүлээһини ылыахтарын сөп.
— “Агротуризм агрошкол России” программатынан “Маршруты агрошкол РС(Я)” оҥорбуппут, үөрэнээччилэр биһиги хамнас аахсар кыахтаахпыт дуо?
Итини ырытыһыахха наада. Республикабыт үрдүнэн Ил Дархан Айсен Николаев 177-с уурааҕа баар. Ол үөрэхпит системата сайдарын туһугар 2030 сылга диэри ханнык үлэ барыахтааҕын барытын ыйан турар. Ол уураах чэрчитинэн биһиги республикабытыгар 17 бырайыак, алта үлэ ыытыллар. Ол иһигэр туризм сайдааһына диэн баар. Ол аата биһиги 2030 сылга диэри үөрэх системата уон туристическай маршрут оҥоруохтаахпыт диэн сорудах баар. Бу маршруттар атын дойдулартан, регионнартан кэлбит дьоҥҥо, туристарга бэлэм ыйынньыктар буолуохтаахтар.
Онуоха мантан икки хайысхатын агротуризмы киллэриэхпитин баҕарабыт. Онон оҕолор үлэлэһэргэ бэлэм буоллаххытына, ити боппуруоһу көрүөхпүтүн сөп.
Көрсүһүү түмүгэр юнкордар бары уопсай хаартыскаҕа түстүбүт. Ону таhынан “Руководители государственного органа власти Якутии в сфере просфещения и образования” быыстапканы көрбүппүт. Онно Платон Ойуунускай 1928-1929 сылларга үөрэх миниистирэ буола сылдьыбытын сэҥээрдим, уопсайа 24 миниистир үлэлээн ааспыт эбит.Маннык Бырабыыталыстыба дьиэтигэр киирэн олорон ыйытыы биэрэр долгутуулаах этэ.
Богдан Слепцов, М.Е.Васильева аатынан 2 Малдьаҕар орто оскуолатын 8 кылааһын үөрэнээччитэ, «УОТ» медиакиин