Тохсунньу 22 күнүгэр, биһиги Аммабытыгар наһаа үөрүүлээх түгэн буолла. Сахабыт Сирин Ил Дархана Айсен Сергеевич Николаев кэлэн, бэйэтин төрөөбүт күнүгэр, саҥа поликлиника аһыллыытыгар кытынна. Саамай аныгы балыыһа.
Таһырдьа -45 кыраадыс тымныы турдар, саҥа поликлиника иһэ сылаас, сып-сырдык уонна киэҥ! Бу дьиэни 2024 сыллаахтан тутан саҕалаабыттара. Билигин манна күн аайы 200 киһи киирэн эмтэниэн сөп.
Ил Дархан уонна Улууспут салалтата лиэнтэни кырыйар үөрүүлээх түгэннэригэр дьон-сэргэ олус үөрбүттэрэ. Кини эппитинэн, бу поликлиника Амма олохтоохторун доруобуйатын харыстыырга улахан көмө буолуоҕа. Биһиэхэ, оҕолорго, туох туһалааҕый?
Саҥа балыыһа иһигэр барыта саҥа техника: харахпытын, сүрэхпитин бэрэбиэркэлиир аппараттар бары бааллар. Оҕо быраастара эмиэ наһаа үчүгэй, сырдык кабинеттарга үлэлиэхтэрэ. Билигин ыарыйдахха эбэтэр справка наада буоллаҕына, маннык киэҥ, саҥа, сырдык дьиэҕэ эмтэнэр өссө үчүгэй буолуо!
Айсен Сергеевич Николаев Аммабыт өссө да тупса, сайда турарыгар баҕарда. Биһиги улууспут күн-түүн аайы өссө кэрэ буолан иһэриттэн наһаа үөрэбит!
Уруйдаан ПЛАТОНОВ, VI кылаас
«АЛиК» медиа-киин
Л.В. Киренскэй аатынан Амматааҕы лиссиэй