Майаҕа «Кэрэли» оҕону эбии үөрэхтээһин киинигэр коллекционер Анатолий Иванович Егоровы кытта умсугутуулаах көрсүһүү буолла.
Кини оҕолорго бэйэтин ураты, сэдэх «Эһэлэр» коллекциятын аҕалан көрдөрдө. Анатолий Иванович 45 араас көрүҥнээх, кээмэйдээх, туспа номохтоох, устуоруйалаах эһэчээннэрэ көрөөччүлэр болҕомтолорун тута тарта. Коллекциянан Егоровтар дьиэ кэргэнинээн сэҥээрэр дьарыктара буолан, оҕолоро эмиэ ньуоскалары хомуйаллар: барыта 100-кэ кэриҥэ эксэмпилээрдээх эбиттэр. Коллекционер олус интэриэһинэй кэпсээннэригэр оҕолор ыйытыы бөҕө биэрдилэр. Анатолий Иванович кыра эрдэҕиттэн дьарыктанан саҕалаабытын истэн, биһиги эмиэ араас хайысхаҕа мунньан саҕалыахпытын сөп эбит диэн бу күн үгүс оҕо санаатын үллэһиннэ.
Анатолий Иванович эдэр көлүөнэни умсугутуу, бигэ үгэһи тыыннаах хаалларыы уонна бу ураты дьарыкка тапталы иҥэрии буоларын бэлиэтээн эттэ. Майа сэлиэнньэтигэр 50 араас хайысхалаах коллекционер баар эбит. Ол эрээри кэнники сылларга дьарыктанар дьон ахсаана биллэ аҕыйаабыт. Кини коллекционердар кэккэлэригэр өссө элбэх эдэр дьон үгэһи салҕаан, сайыннарыан баҕарарын биллэрдэ.
Бу ураты көрсүһүү коллекцияны эрэ көрдөрүү буолбакка, дьиҥнээх умсугуйуу, устуоруйаны уонна ураты истиҥ, ыраас санааланыыга, харыстабыллаах сыһыаҥҥа иитии буолла. Анатолий Ивановичка барҕа махталбытын тиэрдэбит.
«Кэрэли» оҕону эбии үөрэхтээһин киинин «Мультимедийнэй куруһуок» иитиллээччилэрэ,
Мэҥэ Хаҥалас, Майа
keskil14.ru