ИИ көмөтүнэн оҥоһулубут уруһуй
Хой
Хойдорго 2026 сыл тулуурдаах буолууга бэрэбиэркэлиэ. Түргэнник сыалларгын ситиһиэххин баҕарыаҕыҥ да, быһыы-майгы ыйааһыннаах быһаарыыны ирдиэҕэ. Үөрэх, үлэ эйгэтигэр ситиһии күүтэр, ыарахаттартан толлубакка инниҥ диэки баран ис диэн сулустар сүбэлииллэр.
Оҕус
Бу ааспыт сыллар тухары мунньуммут билиигин, уопуккун туһанан, ис күүскүн олоххо киллэрэр кэмиҥ кэллэ. Дьиэ кэргэҥҥэр сыһыан тупсуо, элбэх умнуллубат күннэр тосхойуохтара. Инникигэ болдьохтоох былааннары киллэрэргэ тоҕоостоох кэм.
Игирэлэр
Саҥа сылга элбэх саҥа дьону кытары билсиһии, кэпсэтии күүтэр. Эмискэччи былааннар уларыйыылара, атын сиргэ көһүү, тулалыыр эйгэҕин уларытыы киириэн сөп. Ис куоласкын, сүрэҕиҥ тугу этэрин истэ үөрэн, элбэх эппиэт булуоҕуҥ.
Араак
Араактарга бу сылга элбэх баҕа санаалара туолуоҕа. Бастакы күөҥҥэ дьиэ-уот, дьиэ кэргэн, ис турук тахсыаҕа. Бэйэҕин хайҕыы үөрэн, үчүгэйдик сынньан, оччоҕуна барыта кыра-кыралаан табыллыа диэн сулустар кэпсииллэр.
Хахай
2026 сылга сыалгын-соруккун атын өттүнэн анааран көрүөҥ. Санаабыккын толороргор талаһар күүһүҥ хаалыаҕа эрээри, ону ситиһэр суолгун уларытыаҥ. Тулалыыр дьоҥҥор эрэнэргэ дьулус, кинилэртэн күүс-көмө, соһуччу өйөбүл кэлиэ.
Кыыс
Туһалаах ньымалары тобулааҥҥын, таһаарыылаах сыл күүтэр. Үөрэххэ, квалификацияны үрдэтиигэ, саҥа дьыаланы саҕалыырга бары өттүнэн кыахтаах буолуоҥ. Ис туруккун сааһыланаргар табыгастаах кэм.
Ыйааһын
Ыйааһыннар туох иһин эппиэтинэһи ыларга бэлэмнээхтэрин, онтон туохтан аккаастанар кэм кэлбитин быһаарыахтаахтар. Үлэҕэ эбэтэр партнерствоҕа уларыйыылар киириэхтэрин сөп. Бэйэҕитин кытта төһө чиэһинэй буоларгытыттан сыл хайдах ааһара тутулуктаах.
Скорпион
2026 сыл Скорпионнарга ис уларыйыы кэмэ буолуо. Олоҕу төрдүттэн уларытар баҕа санаа үөскүөн сөп: үлэ эйгэтэ, уопсастыба эргимтэтэ, олорор сир. Ааспыт кэми ыытаргын куттаммат буол, ол кэннэ саҥа суоллары арыйар кыахтааххын диэн сулустар сүбэлииллэр.
Охчут
Бу сылга саҕахтар кэҥиэхтэрэ. Стрелецтар айаҥҥа, үөрэххэ эбэтэр айар үлэҕэ сыһыаннаах өрдөөҕү идеяларын олоххо киллэрэр кыахтара үксүөҕэ. Кылаабынайа — тиэтэйимэ, саҕаламмытын тиһэҕэр тиэрдэргэ дьулус.
Чубуку
Козерогтарга эппиэтинэс уонна үүнүү сыла. Үлэҕэр дьоһуннаах хардыылары оҥоруоҥ, аптарытыат бөҕөргөтөрүү кыаллыа. Ол эрэн, тулалыыр чугас дьоҥҥор бириэмэ ыктаран күүс-көмө, дурда-хахха буолар кэмиҥ кэлбит диэн сулустар кэпсииллэр.
Күрүлгэн
Эйиэхэ «кыаллыбат” диэн туох да суох. Урут бүппэтэх дьылалары барытын биирдэ үмүрү тутуоххун баҕараҕын, ол барыта бэйэҕиттэн тутулуктах. Саҥа бырайыактар, ураты билсиилэр күүтэллэр диэн сулустар кэпсииллэр. Саҥа дабайыылары ситиһиэҥ, бэйэҕэр эрэлгин үксэт.
Балыктар
Таайан көрөр ис дьоҕургар эрэн. Балыктар баҕа санааларын, ис туруктарын ордук өйдүөхтэрэ. Айар үлэҕэ, духуобунаска уонна доруобуйаҕын чөлүгэр түһэриигэ табыгастаах кэм. Сүрүнэ, күүстээх санаа наада. Оччотугар кыаллыбат да кыаллар.