Ахсынньы 23 күнүгэр кыһыммыт бытарҕан тымныытын да билиммэккэ туран саргылаах саҥа дьылбытын быйыл олус уратытык уонна сэргэхтик көрүстүбүт.
Ааспыт нэдиэлэҕэ оскуолабыт үрдүнэн кабинеттар ааннарын киэргэтиигэ күрэх биллэриллибитэ. 1 кылаастан саҕалаан бары кылаастар олус кыһаллан туран ааннары саҥа дьыллаах тиэмэҕэ кэрэтик киэргэттилэр. Алын кылаастар оҕолоругар төрөппүттэр көмөлөһөн оскуолабыт кабинеттарын ааннарын олус тупсаҕай көрүҥнээбиттэр.
Сарсыардаттан саҕалаан туман быыһынан оҕолор, төрөппүттэр саҥа дьыллааҕы утренникка утуу-субуу кэлбиттэрэ.Хас биирдии кылаас быйылгы бырааһынньык балаһыанньатынан баалга кыттыыны ылбыта. Сүһүөхтэринэн арааран бириэмэлэрин аттаран барыта 45 кылаас Дьокуускай куораппыт биир биллэр баараҕай тыйаатарыгар үҥкүүлээтэ. Опера уонна балет государственнай тыйаатарын киэҥ салаатыгар оҕолорбут олус үчүгэйдик бырааһынньыктаатылар. Бары кылаастар кыргыттара уонна уолаттара араас кыраһыабай таҥастаах киэргэнэн кэлбиттэрэ. Кыргыттар кылабачыгас дьэрэкээн былааччыйалаах,түүпүлэлээх уонна араас киэргэллээх, онтон уолаттар параднай көстүүмнээх сылдьаллара олус кэрэхсэбиллээхтик көстөрө. Бары кылаастар араас тиэмэнэн композициялары туруорбуттара киһини сэргэхситэр. Маны таһынан оскуолабыт учууталлара, кылаас
салайааччылара оҕолор выступаайдыахтарын иннинэ бааранан тахсан вальстаатылар. Оҕолор уонна төрөппүттэр бииһирэбиллэрэн ыллылар. Үөрэнээччилэр үҥкүүлээн баран Тымныы оҕонньортон үөрэ-көтө бэлэхтэрин туттулар. Утренник устата Саҥа дьыл алыптаах эйгэтэ сүппэккэ баран испитэ.
Оҕолор, учууталлар уонна төрөппүттэр быйылгы Саҥа дьыллааҕы баалтан олус астынан тарҕастылар.
Ева ИСАКОВА,
Дьокуускай куоратын 17№ орто оскуолатын VII кылаас үөрэнээччитэ,
“Сайдын” медиа киин эдэр корреспондена