2025 сылбыт номнуо түмүктэнэн эрэр. “Кыһыммыт Саха сириттэн саҕаланар” бэстибээл чэрчитинэн ахсынньы ый бастакы күнүгэр, дойдубут араас муннуктарыгар Саҥа дьыллааҕы харыйалар уоттара сандаарыччы умайдылар.
Ол курдук, ахсынньы иккис күнүгэр, С.А.Новгородов аатынан Чурапчы орто оскуолатыгар үөрүүлээх күн тосхойдо – харыйабыт уота чаҕылыччы тыкта! Оҕолор сүрэхтэрин сүүйбүт ыҥырыылаах ыалдьыттарынан буоллулар соҕуруу дойдуттан кэлбит “Лабубулар”. Кырачааннар үөрэ-көтө ыллаан, үҥкүүлээн дуоһуйа астыннылар.
Саҥа дьылбыт күүтүүлээх арыалдьыта, Тымныы Чысхаан оҕонньор, үөрэнээччилэри, кэлэн иһэр саҥа сылынан эҕэрдэлээн туран, оскуолабыт тиэргэнигэр лаглайан турар кэрэчээн күөх харыйабыт уотун аптаах торуоскатынан таарыйан сандаарыччы уматта. Харыйабыт уота чаҕылыччы күлүмнээн тулабыт сырдыгынан сыдьаайда, кылбаа маҥан хаарбыт кылбачыйа түстэ. Үөрүүбүтүгэр угуйтаран кыһыҥҥы тымныы салгыммыт сылааһынан сыдьаайан сылыйбычча курдук буолла.
Үөрүү аргыстаах кэтэһиилээх күммүтүн бу курдук аптаах түгэнинэн түмүктээтибит, оҕолор өйдөрүгэр-санааларыгар биир умнуллубат дьикти киэһэ тосхойдо!
Арианна Макарова, XI кылаас, С.А. Новгородов аатынан Чурапчы оскуолата