Саха литературатын төрүттээччи, бөлүһүөк, инникини өтө көрөөччү, талааннаах суруйааччы, саха норуотун чулуу уола Алексей Елисеевич Кулаковскай-Өксөкүлээх Өлөксөй сахатын дьонугар элбэх айымньыны суруйан хаалларбыта. Олортон биирдэстэрэ — «Оттоку олук алгыһа» айымньы.
Ол курдук, мин Алексей Елисеевич Кулаковскай-Өксөкүлээх Өлөксөй «Оттоку олук алгыһа» айымньытын ааҕан, маннык санааҕа кэллим:
Бу айымньыга дьон айылҕаны кытта ыкса, ураты сыһыаннаахтара көстөр. Үтүөнү оҥорон, дьоҥҥо көмө буолан, сахабыт култууратын өрө тутар, ытыктыыр, харыстыыр норуот буолуохтаахпыт диэн ыҥырар. Кулаковскай биһиэхэ, кэлэр көлүөнэҕэ, саха киһитэ хайдах буолуохтааҕын хоһуйар: үтүө санаалаах, үөрэхтээх, үлэһит уонна төрөөбүт дойдубут туһугар кыһаллар, үлэлиир-хамсыыр. Тоҕо диэтэххэ, билиҥҥи үйэҕэ тастан киирэр араас дьайыы сабыдыала биһиэхэ, аҕыйах ахсааннаах норуокка, күүстээх – омук быһыытынан эстиэхпитин, итэҕэлбитин, култуурабытын, үтүө үгэстэрбитин, төрөөбүт тылбытын уонна айылҕабыт кэрэтин сүтэрэр кутталлаахпытын өтө көрөн, биһиги ханнык суолу тутуһан сайдыахтаахпытын ыйбыт. Бу – Өксөкүлээх Өлөксөй кэлэр көлүөнэҕэ сүбэтэ, алгыһа буолар диэн өйдүөхтээхпит.
Маны таһынан, бу айымньыга төрөөбүт сиргэ таптал күүһэ, киниэхэ сүгүрүйүү көстөр диэн санааҕа кэллим.
Кира Чемезова, С.П.Данилов аатынан Бэрдьигэстээх орто оскуолатын 9 «б» кылаас үөрэнээччитэ, Горнай