Ньурба улууһун дьоно-сэргэтэ Аҕа дойдуларын көмүскүүр анал байыаннай дьайыыга кыттыбыт хорсун буойуннарын ааттарын үйэтитэр үтүө сыаллаах үлэни ыытар. Бу тэрээһин ыччаты дойдуга тапталга, хорсун быһыыга иитиигэ уонна дьоруойдарбыт үтүө ааттарын умнубат буоларга улахан суолталаах.
Ол курдук, К.Д. Уткин аатынан Марха орто оскуолатыгар анал байыаннай дьайыыга кытта сылдьар биир дойдулаах буойуттарбытыгар анаммыт стендэ туруорулунна. Бу стендэ оскуола оҕолоро төрөөбүт дойдуларын көмүскээбит дьоруойдарын чугастык билэллэригэр, кинилэринэн киэн тутталларыгар олук буолар.
Өссө биир кэрэхсэбиллээх түгэнинэн, Бүтүн Арассыыйа үрдүнэн ыытыллар «Дьоруой паартата» бырайыакка кыттан, Аан дойдуга биллибит биһиги дьоруойбут Григорьев Андрей Николаевич-Тутаҕа аналлаах «Дьоруой паартата» туруоруллубута буолар. Бу паарта дьоруой аатын үөрэх кыһатын истиэнэтигэр үйэтитэн, кэлэр көлүөнэ ыччаттарга хорсун саллаат холобурун көрдөрөр, кинилэри үрдүк сыалларга ыҥырар.
Ньурба улууһун дьонун бу курдук бэйэлэрин дьоруойдарын ааттарын үйэтитэр, киэн туттууну, биир сомоҕо буолууну күүһүрдэр.
Александр Федоров,
Марха орто оскуолатын 11 кылааһын үөрэнээччитэ, «Уткин сонуннара» медиа-киин эдкора.
keskil14.ru