Сэтинньи 13 күнүгэр Харбалаахтааҕы үөрэхтээһин холбоһугар Уйулҕа ыйын чэрчитинэн алын сүһүөх кылаастарга көрдөөх күрэх буолан ааста. Уопсайа 1-5 кылаастартан 44 оҕо кытынна. Үөрэнээччилэр түөрт хамаандаҕа арахсан күрэхтэстилэр.
Ол курдук, 1 миэстэни «Короли» Олег Бочуров хамаандата ылла, 2 миэстэҕэ «Суреп» Клим Макаров хамаандата тигистэ уонна 3 миэстэни Эрсан Иванов хамандыырдаах «Молния» хамаанда ылан, үөрүү бөҕө буоллулар. Ону таһынан, көхтөөх кыттыыларын иһин «Алые» Тимур Платонов хамаандата бэлиэтэннэ.
Оҕолор маннык сүүрүүлээх-көтүүлээх күрэҕи олус сөбүлүүллэр, хамаанда туһугар түмсүүлээх, бэриниилээх буоларга үөрэнэллэр. Салгыы иллэҥ кэмнэригэр бэйэлэрэ хамаанда туруоран, араас күрэхтэри толкуйдаан, бириэмэни туһалаахтык атаарарга уһуйуллаллар.
Бу тэрээһиҥҥэ 1-5 кылаастар учууталлара күүс-көмө буолбуттарыгар махтанабыт!
Т.П. Слепцова, Харбалаахтааҕы үөрэхтээһин холбоһугун физкультураҕа учуутала.
keskil14.ru