«Мэхээлэчээн булчут кэпсээннэрин» биһиги, Сахаттан бастакы Сэбиэскэй Сойуус Дьоруой Федор Кузьмич Попов аатынан Баатара орто оскуолатын 7 кылаас үөрэнээччилэрэ «Мэхээлэчээн булчут кэпсээннэрин» 5 кылааска сылдьан аахпыппытын умна быһыытыйан аахтыбыт уонна бэйэбит санаабытын билиҥҥи 5 кылаас үөрэнээчилэригэр ааҕалларыгар сүбэлиибит.
Биһиги кылааһынан Аҕа дойду сэриитин кыттыылааҕа, баара – суоҕа 28 сааһыгар күн сиригэр эрэ олорон ааспыт – Тимофей Егорович Сметанин биһиэхэ анаан суруйбут «Мэхээлэчээн булчут кэпсээннэрэ» диэн айымньытын булан аахтыбыт.
«Этэрбэс чааркаан буолбута» кэпсээнигэр манна сүрүн дьоруой аһыныгас уонна балтытын таптыыра көстөрө биллэр, тоҕо диэтэр кини балтыта барсыбаккын диэбитигэр ытыырын көрөн аһынар уонна бастакы санаатыгар хабдьы тутулуннаҕа балтыбын үөрдүөм диэн санаалааҕа биһигини барыбытын толкуйдатар.
Ону таһынан Мэхээлэчээн олус хорсун уол буолара көстөр. Кини кырынаас буоларын билэн үтүлүгүн уста охсон сыгынньах илиитинэн тутарга сананар. Ити курдук Мэхээлэчээн өһөс уонна хорсун санаалах буолан кэлин тиһэҕэр син биир кырынааһын дьиктитик да буоллар бултуйбутуттан үөрэр.
«Сиэм диэбитэ – хата, бэйэтэ сиэтилиннэ» кэпсээнигэр Мэхээлэчээн хорсун санаалааҕыттан таһына мындыр уонна түргэн толкуйдааҕа көстөр. Хайдах кини бөрөттөн куттаммата буолуой диэн бары бастакы ыйытыыбыт буолла. Биһиги бары куттаныа этибит оннооҕор оскуолаҕа, нэһилиэккэ босхо сылдьар ыттартан куттанабыт диэн кэпсэтистибит. Учууталбыт бэл диэтэр ыт оҕоттон куттанарын биллибит уонна сөхтүбүт.
Аныгы сүүрбэһис үйэ оҕолоро буоламмыт сахабыт да тылын умна быһыытыйдыбыт. Кистэл буолбатах, сороҕор биһиги эмиэ нууччалыы бэйэ икки ардыгар кэпсэтэн ылааччыбыт. Онтон Тимофей Сметанин бу кэпсээннэриттэн сахалыы кыылларбыт да ааттарын, булт тэриллэрин да биллибит уонна саха омуга буолан тоҕо эрэ бу булт туһунан бэрт интириэһинэй кэпсээннэр эбит диэн бэлиэтээтибит. Баҕар Мэхэлэчээн булчут омуннаах, суостаах – суодалаах сырыыларыттан эбэтэр көрүдьүөс түгэннэриттэн дуу, сымнаҕас элэк – хаадьы тылларынан суруллубуттарынан эбитэ дуу. Олус интирэһинэй уонна оҕолорго төрөппүттэрин кытта ааҕарга сүбэлиибит.
Муся Федорова, Аэлита Федорова,
Баатара орто оскуолатын 7 кылааhын үөрэнээчилэрэ