Биһиги оскуолабытыгар балаҕан ыйын 29 күнүттэн алтынньы 3 күнүгэр диэри педагогическай нэдиэлэ ыытылынна. Бу нэдиэлэни “Үөрэххэ инновациялар ” диэн тиэмэнэн ХИФУ ПИ кафедратын доцена, педагогическай билим хандьытаата Сорочинскай М.А арыйбыта. Нэдиэлэ устата эдэр уонна опыттаах учууталлар аһаҕас уруоктары ыытан көрдөрдүлэр.
Ону таһынан, алтынньы 1 күнүгэр ураты кэрэхсэбиллээх сонун бэлиэтэннэ. Дьокуускай куоратын 17 нүөмэрдээх орто оскуолата уонна М.К. Аммосов аатынан ХИФУ педагогическай үнүстүтүүтэ икки өттүттэн илии баттаһан, бастакы педагогическай кылааһы үөрүүлээхтик арыйдылар. Педагогическай үнүстүтүүт дириэктэрэ,педагогическай билим хандьытаата Михаил Федоров уонна Дьокуускай куоратын Үөрэҕириитин управлениетын үөрэххэ сайдыытын уонна мониторинын салаатын специалиһа Виктория Постникова ыалдьыттаатылар.
Өссө биир үөрүүлээх түгэнинэн, алтынньы 7 күнүттэн 12 күнүгэр диэри Москва уонна
Ярославль куораттарга «Учуутал идэтигэр саҕалааһын” IV Бүтүн Арассыыйатааҕы психолого-педагогическай кылаастар слёттара буолара күүтүллэр. Биһиги оскуолабытыттан олус талааннаах, ситиһиилээх оҕолорбут: Карманова Камила, Афанасьева Дарья уонна Попов Артур
кыттыахтара. Оҕолорбут саҥа сүүрээни истиҥник ылынан, киэҥ эйгэҕэ
тахсан, сайдар кыахтаммыттарыгар үөрэбит эрэ.
Ая ИВАНОВА, Ева ИСАКОВА, Айта ЧЫЛБЫНОВА, VII кылаас,
«Сайдын» медиакиин юнкордара, 17№-дээх оскуола, Дьокуускай
keskil14.ru