Алтынньы 5 күнүгэр Учуутал күнүн бэлиэтиибит. Үөрэхпитигэр, иитиибитигэр күн аайы дууһаларын ууран туран кыһаллар дьоммутугар махталбытын тиэрдэбит.
Бу күнү көрсө биһиги кылааспыт салайааччытын Иван Терентьевич Пономаревка истиҥ эҕэрдэбитин тиэрдэбит. Кини хас биирдии тыла-өһө, сыһыана, муудараһа, өйөбүлэ сүрэхпитигэр умнуллубат суолу хаалларан, үүнэрбитигэр-сайдарбытыгар олук буолбута. Тапталлаах учууталбытыгар истиҥник махтанабыт.
Түгэнинэн туһанан, Учуутал күнүнэн Саха сирин бары учууталларын бырааһынньыккытынан истиҥник эҕэрдэлиибит! Айымньылаах үлэни уонна саҥа ситиһиилэри баҕарабыт! Махтал эһиэхэ, күндү учууталларбытыгар!
IX «Б» кылаас үөрэнээччилэрэ,
С.К. Макаров аатынан Чурапчы гимназията