Мин аатым, Альмира Табырынова, Э.К. Пекарскай аатынан Игидэй орто оскуолатын 6-с кылааһын үөрэнээччитэбин.
Мин дьиэҕэ олорон үөрэнэбин. Дьиэбэр миэхэ өрүү тирэх буолар дьонум: тапталлаах эбэм, Мотрена Гаврильевна ,эһэм, Василий Афанасьевич Кузьминнар. Миигин олох кыра сааспыттан бэйэлэрин кытта илдьэ сылдьаллар. Мин сайдыылаах, үтүө өйдөөх-санаалаах киһи буоларбар туруулаһаллар.
Аҕам саастаах дьон күннэринэн үтүө дьоммун олус истиҥник ахтан-санаан кэллим. Кинилэр өрүү миэхэ кыһаллаларын дириҥник сыаналаатым. Эһэм күн бүгүн биһигини сылаас дьиэҕэ кыстатаары отопление оҥорон хачыгырыы сылдьар.
Аҕам саастаах дьон күнүнэн күндү дьоммор кытаанах доруобуйаны, уһун олоҕу баҕарабын.
Өрүү бииргэ тутуһан бу курдук дьоллоохтук олоруоҕуҥ.
Альмира Табырынова, Игидэй орто оскуолата.
keskil14.ru