Балаҕан ыйын 26 күнүгэр В. П. Ларионов аатынан Майа орто оскуолатын үөрэнээччилэригэр Саха Өрөспүүбүлүкэтин Судаарыстыбаннаһын күнүгэр аналлаах тематическай уруоктар ыытылыннылар. Оҕолор бу Сахабыт сирин биир бэлиэ күнүн туһунан видео матырыйаал көрдүлэр, бу күн тула кэпсэттилэр уонна хамаандаҕа арахсан, Саха сирин устуруойатын туһунан викторинаҕа кытыннылар.
Маны таһынан, балаҕан ыйын 22 күнүгэр Саха Өрөспүүбүлүкэтин «Ил Түмэн» Судаарыстыбаннай Мунньаҕын дьокутаата, сир сыһыаннаһыыларыгар, айылҕа ресурсаларыгар уонна экологияҕа бастайааннай кэмититэтин бэрэссэдээтэлэ Андрей Михайлович Находкин биһиги оскуолабытыгар кэлэн, 10 кылаас оҕолоругар балаҕан ыйын 27 күнүгэр бэлиэтэнэр Саха Өрөспүүбүлүкэтин судаарыстыбаннай сүбэрэнитиэтин Декларациятын ылыммыт күнүн чэрчитинэн дьоһуннаах кэпсэтии ыытан барбыта.
Бу курдук, маннык бэлиэ күҥҥэ биһиги оскуолабытыгар араас уруоктар уонна тэрээһиннэр ыытылыннылар. Олус элбэҕи биллибит, үөрэттибит уонна бу күн олус суолталааҕын өйдөөтүбүт.
Сиһилии видео-матырыйаалга көрүҥ;
Суруйда Лилиана Слепцова, 10 кылаас,
Видеоҕа уһулла Федя Степанов, 9 кылаас,
«Мэҥэбил» медиакиин эдэр кэрэспэдьиэннэрэ, Майа, Мэҥэ Хаҥалас