Бартыһаан Дьөгүөрэп диэн кимин билэҕит дуо? Гаврил Васильевич Егоров – Бартыһаан Дьөгүөрэп – гражданскай сэрии дьоруойа, республикабыт араас муннугар 20-тэн тахса оскуоланы, интэринээти, фельдшерскэй пууннары салайан туттарбыт киһи буолар.
Биһиэхэ, Кэбээйи улууһугар, үөрэҕирии сайдарыгар Бартыһаан Дьөгүөрэп улахан суолталаах. 1935 сыллаахха кини туттарбыт типовой оскуолатыттан хаачыстыбалаах үөрэхтээһин саҕаламмыта биллэр. Аан бастаан тутуллуутугар 7 кылаастаах этэ уонна 13 выпустаммыта. Онтон орто оскуола буолан (1954 c.) 11 кылааһы көччөх гына көтүппүтэ. Бу оскуола 30 сыл устата үлэлээбит-хамсаабыт. Ол сыллар тухары төһөлөөх элбэх үөрэхтээх үлэһиттэр иитиллэн тахсыбыттара буолуой, төһөлөөх элбэх выпускниктар Кэбээйи улууһун ааттаттан республикаҕа биллибиттэрэ буолуой?
Бу сквери Бартыһаан Дьөгүөрэп оскуолатын үөрэнэн бүтэрбиттэргэ 2017 с. туруоруллубута. Стелланы бэтэрээннэр сэбиэттэрин бэрэссэдээтэлэ Егор Авксентьевич Павлов иилэнн-саҕалаан туруортарбыта.
Егор Авксентьевич кэпсээбитинэн, бу сквер тутуллуутугар выпускниктар, нэһилиэк, улуус олохтоохторо телемарафон, аахсыйа тэрийэннэр, араас өрүттээх көмөнү оҥорбуттар.
Бу балаҕан ыйыгар Кэбээйи нэһилиэгэр Бартыһаан Дьөгүөрэп оскуолата 90 cылын бэлиэтиир митинг буолан ааспыта. Миитиҥҥэ нэһилиэк главата Илья Иванович Левин, оскуола учууталлара, үөрэнээччилэрэ уонна ытык-мааны бэтэрээн-учууталлара, аҕам саастаах олохтоохтор кыттыыны ыллылар.
Бэтэрээн-учуутал Дарья Софроновна Кокорева, эдэр көлүөнэҕэ үөрэх суолтатын, Кэбээйи киэн туттар дьонун туһунан, үүнэн иһэр көлүөнэ аҕа көлүөнэ айбыт-туппут культуратын билиҥ-көрүҥ, туһаныҥ, кинилэр үтүө үгэстэригэр, үлэлэригэр-хамнастарыгар үөрэниҥ, патриот киһи буола буһан-хатан тахсыҥ диэн истиҥ тылларын эттэ.
Оскуола үөрэнээччилэрэ эҕэрдэ хоһооннорун бэлэхтээтилэр, аҕам саастаах дьоҥҥо кэс тылларын иһин махтал тылларын эттилэр.Онон, бу күн барыбытыгар улууспут историятын үйэтитэр ытык өйбөбүнньүк күн буолан өйбүтүгэр хатанна.
Виолетта Левина, XI кылаас,
«Дьоҕур» медиакиин, Кэбээйи орто оскуолата.