Эркээни хочотун рельебын, буорун чинчийэр бырайыак саамай уопуттаах кыттыылааҕа Сунтаар нэһилиэгиттэн сылдьар Ваня Семенов быйыл үһүс сменатыгар сылдьар. Кини география предметигэр улуустааҕы олимпиада кыайыылааҕа, «Инникигэ хардыы» научнай-чинчийэр кэмпириэнсийэ, өрөспүүбүлүкэтээҕи уонна бүтүн Арассыыйатааҕы олимпиадалар кыттыылааҕа.
Ваня мин боппуруостарбар хоруйдаата:
— Тоҕо бу бырайыакка үһүс төгүлүн ылсан үлэлиигиний?
— Мин географияны интэриэһиргиибин уонна бу бырайыакка былырыын сылдьыбытым.
— Бу бырайыак суолтата тугуй?
— Бырайыак суолтата — «Эркээни хочотун» рельебин почватын үөрэтэн өрүс устарын хаамыытын үөрэтэбит.
— Былырыын тугу үлэлээбиккин кылгастык кэпсээ.
— Былырыын эмиэ бу курдук ыраастаабыппыт, онтон почва ыламмыт, микроскобунан хас биирдии буор кыырпаҕын састаабын көрөн аахпыппыт, суоттаабыппыт, таблицаҕа киллэрбиппит уонна түмүк оҥорон таһаарбыппыт.
— Оскуоланы бүтэрдэххинэ, эн ханнык идэни талаҕыный?
— Билигин чопчу билбэтим, ол эрээри стоматолог идэтин баһылыам этэ.
— Иллэҥ кэмҥэр тугунан дьарыктанаргын сөбүлүүгүнүй?
— Оонньуубун, манежка бараммын табаарыстарбын кытары дьарыктанабын.
— Науканан дьарыктаныан баҕарар оҕолорго тугу сүбэлиэ этигиний?
— Олимпиадаҕа, күрэхтэргэ барыларыгар көхтөөхтүк кыттан иһин.
Ваня Саха сиринээҕи чинчийэр оскуолаҕа эһиил эмиэ кэлиэм диэн баҕа санаалаах. Наукаҕа бастакы хардыыларыгар ситиһиилэри баҕарабын!
Нарияна БУРЦЕВА,
М.Е. Васильева аатынан 2 Малдьаҕар орто оскуолатын 7 кылааһын үөрэнээччитэ.
«Кэскил» оҕо пресс-киинин эдкора.