Л.Н. Харитонов аатынан Маҕарас орто агро хайысхалаах оскуола буолар. Биир сүрүн уратыта бу оскуолаҕа ыраах Алтай сириттэн айрширскай сүөһүлэри аҕалан кыстатан таһаардылар. Бу сайыҥҥы сынньалаҥ кэмигэр оскуола оҕолоро айршир ынахтары көрө-истэ сылдьаллар.
Ол курдук, биһиги үлэһит оҕолору кытары көрсөн кэпсэттибит.
— Данил дорообо. Хаһыс кылааска үөрэнэҕин, төһө өр үлэлээтиҥ?
— Дорооболоруҥ. Мин 7 кылаас буоллум. Бастакы сезонтан үлэлиибин, биир ый буолла.
— Үлэҕит хайдах саҕаланарый?
— Сарсыарда эрдэ кэлэн ынахтарбытын «доилканан» ыыбыт. Үс буолан үлэлиибит. Дималыын саах таһаарабыт, сенаж, от бэлэмниибит. Дарина иһит сууйар, хомуйар. Онтон үүппүтүн маслоцехха туттарабыт. Киэһээҥҥи ыамҥа эмиэ инник курдук үлэлиибит.
— Туох ыарахаттары көрүстүҥ, үлэ ыарахан дуо?
— Эппиэтинэстээх үлэ. Куруук бары бииргэ сылдьар буолан үлэбитин кыайабыт. Салайааччыларбыт куруук бииргэ сылдьаллар, сүбэлииллэр, көмөлөһөллөр.
— Бу хотоҥҥо үлэлээбит хамнаскынан кистэл буолбатах буоллаҕына, тугу ылыныаххын баҕараҕын уонна инникитин үлэлиэҥ дуо?
— Сайыҥҥы сынньалаҥмын туһалаахтык атаарар сыалтан лааҕырга сылдьыам, үлэлиэм. Үлэлээбит хамнаспынан айпад ылар баҕа санаалаахпын
— Эппиэтиҥ иһин махтал!
Бу курдук үлэһит уол Данил Аянитов «Орто күөл» лааҕыр оҕолоругар үөрэ-көтө үлэлиир сирин көрдөрдө, кэпсээтэ.
Данил курдук тыа сирин үлэтин таптыыр, толлон турбат оҕолор элбии турдуннар.
Кэпсэттэ Таина Платонова.
Л.Н. Харитонов аатынан Маҕарас орто агро хайысхалаах
оскуолатын пресс-киинин эдкора.