От ыйын 4 күнүгэр Нерюнгри куоракка Олоҥхо Ыһыаҕар оскуола оҕолоругар аналлаах олоҥхо күрэҕэ буолан ааста. Күрэх икки күннээх буолар, уопсайа 13 улуустан 80 тахса кытааччы бэйэтин күүһүн, тойугун, оонньуутун көрдөрө кэлбит.
Өрөспүүбүлүкэтээҕи олоҥхо киинин исписэлииһэ Зоя Григорьевна Сысолятина, бу күрэххэ хаһыс да сылын кэлэн, өрөспүүбүлүкэ дэгиттэр таланнаах оҕолорун көрөр, сыаналыыр:
Бу сылга күрэх олус күүстээхтик, интириэһинэйдик ааһан иһэр, тоҕо диэтэххэ ыраах хотугу улуустартан, Өймөкөөнтөн, Муоматтан оҕолор кэлэн кыттыыны ыллылар. Оҕолор кыһыны быһа бэлэмнээбит олоҥхолорун этэннэр аара ааһан иһэр дьону соһуттулар. Кыахтаах баҕайы оҕолор кэлбиттэр, чаастан тахса да олорон эрэ тойуктуох кыахтаахтар. Үөрулээҕэ диэн Өймөкөөҥҥө кыттыбыт оҕолору көрөр, себүлүүр дьарыктарын бырахпакка эрэ кыттан иһэллэрэ хайҕабыллаах. Кыттааччылар бары эттэригэр-хааннарыгар саха тылын иҥэриммитэр, оскуола, улуус бастыҥ лидердара буолаллара биллэн турар. Нерюнгрига аҕайах оҕо кэлиэҕэ диэбиттэрэ даҕаны, улахан икки күннээх үлэ буолла, ол аата аныгы көлүөнэ кэскиллээх. Саха олоҥхото салҕаныа диэн өйдүүр олус уөрдэр.
Афанасий КАНАЕВ, Таатта лиссиэйин 11 кылааһын үөрэнээччитэ