Бэс ыйын 4 күнүгэр Чурапчыга буолан ааспыт Оҕо аймах уйгулаах ыһыаҕар саха төрүт үгэстэригэр анаммыт хас да күрэх түһүлгэтэ буолан ааста. Онтон биирэ – чабырҕахсыттар түһүлгэлэрэ. Элбэх оҕо кыттыыны ылла. Мин, атын улуустан кэлбит киһи, Чурапчыга чабарҕаҕы оҕолор сөбүлээн ааҕаллар эбит дии санаатым.
Дмитрий Данилович Красильников аатынан Мугудай орто оскуолатын 3-с кылааһын чабырҕахсыттарын Айыына Сивцеваны, Алеся Сивцеваны, Нарыйаана Тарабукинаны кытта көрсөн кэпсэттим.
– Биһиги чабырҕаҕынан дьарыктаммыппыт икки сыл курдук буолла. Салайааччыбыт Мария Константиновна Филиппова буолар. Чабырҕах тылын үһүөн түргэнник ылынабыт. Ис хоһоонун үһүөн бииргэ тэҥник өйдүүбүт. Сыанаҕа үһүөн бииргэ, бэйэ-бэйэбитин истиһэн, тэҥҥэ хамсанан үлэлиибит. Ол иһин бары өттүнэн тапсабыт. Чабырҕах түргэнник саҥарарга, толкуйдуурга үөрэтэр. Оҕо ыһыаҕар ыытыллыбыт “Чараас, сытыы тыллаах чабырҕахпыт чаҥыйдын” куонкуруска эрдэттэн бэлэмнэммиппит. Күөх алааска, Аал Луук Мас аттыгар туран чабырҕахтыыр наһаа үчүгэй. Тоҕо диэтэххэ, манна киэҥ, күп-күөх, көҥүл, – диэн үөрэ-көтө кэпсииллэр чабырҕахсыт кыргыттар.
Саха норуотун төрүт култууратын, норуот тылынан уус-уран айымньыларын үөрэтэргит, билэргит олус үчүгэй. Сахабыт тыла олус баай, дириҥ. Сахабыт тылын үөрэтиэҕиҥ, харыстыаҕыҥ!
Янис СЫСОЛЯТИН, VIII кылаас, Лөгөй лиссиэй-интэринээт, Уус Алдан
Уо-аай, уой-уой! Уо-аай, уой-уой! Уо-аай, уо-уой! Бу кимий?
Лилия Маркова видеота, VIII кылаас,
А.П. Илларионов аатынан Хайахсыт орто оскуолата, Чурапчы