— Үтүө күнүнэн! Мин Лөгөй лиссиэй интэрнээтин “SiTiM “LegMedia” юнкора Сысолятин Янис буолабын. Николай Николаевич биһиги нэһилиэкпит үбүлээһинэ (бюджета) туохтан турарый?
— Үтүө күнүнэн! Биһиги нэһилиэк үбүлээһинэ дотационнай буолабыт. Билигин биһиги 40 мөлүйүөнтэн тахса үбүлээһиннээхпит, ол курдук сыллааҕыбытын 45 мөлүйүөнтэн саҕалыыбыт, сороҕор эбиллэн 50 мөлүйүөнтэн тахса буолар.
— Быйыл бары билэрбит курдук Аҕа дойду улуу сэриитэ түмүктэммитэ 80 үбүлүөйдээх сыла бэлиэтэнэр. Ол курдук, биһиги Лөгөйбүт нэһилиэгэр хас тыыл ветерана, сэрии огдообото, сэрии оҕото олороруй?
— Биһиэхэ биир сэрии огдообото, икки тыыл бэтэрээнэ, 20 сэрии кэмин оҕолоро олороллор. Биһиги нэһилиэкпит 3 бөһүөлэктээх буолан Даалыга 1 Тыыл бэтэрээннээхпит Олесов Афанасий Петрович, Хомустаахха Гуляев Дмитрий Иванович уонна нэһилиэкпит киинигэр Кэптэнигэ Петухова Матрена Петровна олорор.
— Кинилэргэ Кыайыы 80 сылынан туох көмө оҥоһулларый?
— Кинилэргэ үксүн респубуликаттан көмө көрүллэр, холобур дьиэлэрин өрүмүөннэригэр үп көрүллэр. Онтон нэһилиэк дьоно-сэргэтэ бэйэлэрин кылааттарын киллэрэн үтүө өйдөбүлү хаалларан ким төһө кыахтааҕынан көмө оҥорор.
— Быйыл нэһилиэк өттүттэн кыайыы 80 сылыгар туох үбүлээһин ыытылыннай?
— Ол курдук, Кыайыы 75 сылыгар былаахтар оҥоһуллубуттара, быйыл эмиэ 80 сылга 60 устуука саҥа быылаахтар күөрэйдилэр.
— Нэһилиэкпит Кыайыы 80 сылын көрсөргө туох үлэни ыытарый?
— Нэһилиэк дьоно-сэргэтэ бары турунаннар үлэлии сылдьаллар, сэрии бэтэрээннэрэ дьонноох ыаллар оҕолоро баннерынан дьиэлэрин таһын киэргэтэллэр. Маны таһынан Кыайыы ыһыаҕа үс бөһүөлэккэ үһүөннэригэр күргүөмүнэн ыытыллыахтаах. Быйыл биһиги Лөгөйбүт нэһилиэгин соҕотох үлэ дьоруойа Анастасия Семеновна Копырина 95 үбүлүөйдээх сааһын туолар, онон төрөөбүт сиригэр Даалыга эмиэ улахан ыһыах ыытыллыахтаах маны таһынан Кэптэнигэ уонна Хомустаахха уонна Сэрии бэтэрээннэрин оҕолоруттан спонсорства көрүллэн эмиэ улахан таһымнаах күрэхтэр буолаары тураллар.
Янис СЫСОЛЯТИН, Родион Перевалов Лөгөй лиссиэй-интэринээт
«SiTiM LegMedia» юнкордара, Уус Алдан