Билиҥҥи үйэҕэ бюджеккын сөпкө тыыран, суоттаан олордоххуна, эн харчыҥ туохха баранарын, сөптөөх туһаайыыга аныыргын билэн олорор буолаҕын. Оттон, оҕолоор, эһиги нэһилиэк бюджета туохтан турарын, хантан кэлэрин билэр этигит дуо?
Хас биирдии киһи, ыал бюджеттаах, үптээх-харчылаах буолар. Олорор нэһилиэкпит эмиэ. Ол курдук, биһиги нэһилиэкпит, Горнай улууһун Бэрдьигэстээх, бюджетын, ону тэҥэ Кыайыы 80 сылын көрсөр тэрээһиннэр, тыыл бэтэрээннэрин туһунан нэһилиэк баһылыгын Алексей Григорьевич Аргунову кытары сиһилии кэпсэтии барда.
Баһылыкка бу курдук ыйытыылар бэрилиннилэр:
- Биһиги нэһилиэкпит бюджета туохтан турарый?
- Нолуок нэһилиэк бюджетын кытта туох сибээстээҕий?
- Нэһилиэкпитигэр Кыайыыга аналлаах пааматынньык аан бастаан хас сыллаахха баар буолбутай уонна ону көрүүгэ-истиигэ туох ирдэбиллэр баалларый?
- Хас тыыл ветерана, сэрии огдообото, сэрии оҕото олороруй?
- Кинилэргэ Кыайыы 80 сылынан туох көмө оҥоһулларый?
- Нэһилиэкпит Кыайыы 80 сылын көрсөргө туох үлэни ыытарый?
Сиһилии баһылыгы кытары кэпсэтиини, кини санааларын видео-матырыйаалбытыгар көрүҥ:
Кирилл Иванов, 8 кылаас, Сэмэн Петрович Данилов аатынан оскуола,
«Сайдам» медиакиин эдэр кэрэспэдьиэнэ,
Бэрдьигэстээх, Горнай