Горнай улууһун Мытаах нэһилиэгин олорор дьиэ-уот коммунальнай хаһаайыстыбатын котельнайыгар эдэр кэрэспэдьиэннэр маастары кытары көрсөн кэпсэтэн кэллилэр. Оҕолор интервью олус интэриэһинэй уонна туһалаах буолла диэн суруйаллар.
Мытаах нэһилиэгэр баар биир котельнай оскуоланы, уһуйааны, балыыһаны, хонтуораны уонна чааһынай дьиэлэри ититиинэн хааччыйар. Оттук быйыл этэҥҥэ баран иһэр диэн үлэһиттэр иһитиннэрдилэр. Биһиги нэһилиэкпитигэр таас чох Кангаластан кэлэ турар. Быйыл котельнайга баар икки оһох өрөмүөннэммит.
Хачыгаардар нэһилиэк тутаах дьонноро буолалларын өссө төгүл өйдөөтүбүт. Маҥнай, кэпсэтэ барарбытыгар, хачыгаар үлэтэ, чиэһинэ эттэххэ, итинник ыарахан буолуо дии санаабатахпыт. Күҥҥэ элбээбитэ 30 тонна оттугу оттор диэн олох баһаам эбит. Тулуйар эрэ киһи тулуйар үлэтэ буолуо дии саныыбыт.
Сиһилии кэпсэтиибитин видеоҕа көрүҥ:
Дьиикимдэ орто оскуолатын эдкордара, Горнай улууһа.
keskil14.ru