Саха сиригэр кыһыҥҥы тымныы күннэргэ саамай тутаах дьоннорбутунан дьиэ-уот коммунальнай хаһаайыстыбатын үлэһиттэрэ буолаллар. Биһиги олох-дьаһах коммунальнай хаһаайыстыбатын Хаҥаластааҕы филиалын Улахан Ааннааҕы учаастагар ыалдьыттаатыбыт.
Маастар Иванов Семен Анатольевич кыстыкка бэлмэнэнии, үлэ-хамнас хайдах баран иһэрин туһунан маннык кэпсээтэ:
«Биһиги нэһилиэкпитигэр икки котельнай үлэлиир. Ол курдук 2 Малдьаҕар орто оскуолата, гарааһа, кыһыҥҥы теплицата, 12 кыбартыыралаах уопсай дьиэтэ, оҕо спортивнай оскуолата, «Аан-Аартык» култуура киинэ итиинэн хааччыллар.
Быйылгы дьылга өрөмүөн үлэтэ барбыта. Барыта этэҥҥэ баран иһэр, кыһыҥҥа бэлэммит. Биһиги нэһилиэкпитигэр оскуола 2011 сыллаахха гааска холбоммута, оҕо спортивнай оскуолатыгар 2013 сыллаахха киирбитэ. Биһиги тэрилтэбитигэр 11 киһи үлэлиир, ол курдук маастар, 1 слесарь, 1 сварщик уонна икки котельнайынан 8 оператор үлэлиир. Хачыгаар дэммэттэр. Кинилэр дьуһуурустубанан 12-лии чаас сменанан үлэлииллэр».
Алина Аммосова,
М.Е. Васильева аатынан
2 Малдьаҕар орто оскуолатын
8 кылааһын үөрэнээччитэ.