Алтынньы 14 күнүгэр биһиги оскуолабытыгар «Дьоһуннааҕы кэпсэтии» сахалыы тылынан тахсар дьарык хайдах ааспытын туһунан алын, орто, улахан кылаас учууталларыттан, үөрэнээччилэртэн санааларын ыйыталастыбыт.
Ньургуйаана Сергеевна Бандерова, 1 кылаас учуутала: «Алтынньы 14 күнүнээҕи уруок тутула, ис хоһооно оҕо кыра эрдэҕиттэн эппиэтинэстээх буола улаатарыгар үөрэтэр сыаллаан-соруктаан ыытылынна. www.keskil14.ru саайка тахсыбыт бэлэм матырыйааллар оҕоҕо олус судургу, өйдөнүмтүө гына оҥоһуллубуттар. Оҕону кэрдиис кэминэн, саастарынан ыйыллыбыт быһаарыыларга, сорох тылларга, кыратык ыарырҕаттым».
Айдын Говоров, 1 кылаас үөрнэнээччитэ: «Мин «Дьоһуннааҕы кэпсэтии» бүгүҥҥү дьарыгыттан эппиэтинэстээх киһи буолан тахсыахтаахпын диэн өйдөөтүм».
Дамир Неустроев, 1 кылаас үөрэнээччитэ: «Биһиги билигин бэдик сааспытыгар сылдьар эбиппит диэн өйдөөн хааллым».
Милена Валентиновна Захарова, педагог бибилэтиэкэр, VI кылаас салайааччыта: «Алтынньы 14 күнүнээҕи кылаас чааһыгар эппиэтинэс туһунан кэпсэттибит. Оҕо олоҕун кэрдиистэрэ туспа-туспа ааттаах буолалларын биллибит, оҕо улахан киһиттэн туох уратылааҕын бары тэҥҥэ ырытыстыбыт».
Лиана Каженкина, VI кылаас үөрэнээччитэ: «Мин бу кылаас чааһыгар Өксөкүлээх Өлөксөй «Оттоку олук алгыһа» диэн айымньытынан бэйэни бэрэбиэркэлэнэр сорудаҕы толорорбун сөбүлээтим. Барыта өйдөнүмтүө. Киһи сааһынан тус туһунан ааттаах буоларын биллим. Холобур, саҥа төрөөбүт оҕону кыһыл оҕо дииллэр эбит. 14 сааспытыгар паспорт ыллахпытына, Арассыыйа гражданина буоларбытын сиэри-туому тутуһуохтаахпытын өйдөөтүм».
Любовь Михайловна Филиппова, английскай тыл учуутала, X кылаас салайааччыта: «Бүгүҥҥү «Дьоһуннааҕы кэпсэтиигэ» биһиги сүрүннээн саха киһитин өйдөбүлүгэр киһи үүнүүтүн-сайдыытын 3 көрүҥҥэ арааралларын туһунан кэпсэттибит. Киһилии киһи, киһи киһитэ, киһилээх киһи тула кэпсэттибит. Уонна уруок бүтүүтүгэр тургутуу тест толордубут».
Виолетта Тихонова, IX кылаас үөрэнээччитэ: «Мин бу дьарыкка Өксөкүлээх Өлөксөй «Оттоку олук алгыһа» айымньытынан бэйэни бэрэбиэркэлэнии тесты олус сөбүлээтим. Элбэҕи, саҥаны биллим».
Света ЗАРОВНЯЕВА , Вадим КОЛЕСОВ,
XI кылаас, А.П. Илларионов аатынан Хайахсыт орто оскуолата, Чурапчы