Быйыл республикаҕа оҕо саас сылынан биллэриллибитэ. Ол чэрчитинэн, Ньурбаҕа от ыйыгар Максим Данилов «Вожатые» диэн оскуола оҕолоро устубут киинэлэрэ күн сирин көрдө. Киинэ ааптарын, режиссёрун Максим Давыдовы кытта көрсөн кэпсэттибит.
Үтүө күнүнэн Максим! Бэйэн туһунан кылгастык кэпсээ.
Үтүө күн! Мин аатым Данилов Максим Убоян орто оскуолатын выпускнига буолабын.Былырыын «Вольт» диинэ киинэ телестудиятын тэринэн быйыл киинэбит Ньурбаҕа киэҥ эйгэҕэ таҕыста.
Киинэҕэ тапталыҥ хаһан саҕаламмытай?
—Мин бэһис кылааска сылдьан ЦДНТ-га Егор Герасимович куруһуогар эрчиллэр этим. Онно монтажтыырга, устарга үөрэммитим.Улахан видеокамераны илиибэр тутар этим уонна онно киинэ устуох санаа кэлбитэ. Ол онтон оскуолабар бэйэм «Вольт» диэн киинэ студия арыммытым. Тоҕо «Вольт» диир буоллаххытына, мин ытым аата(күлэр). Дьигинэн улаханнык киинэ көрбөппүн, ол эрэн барыта оонньууттан саҕаламмыта.Инникитин оонньуу оҥоруохпун баҕарабын.
— Сценарийы ким суруйда?
— Сценарийын бэйэм суруйбутум.Онтон оскуолабыт директора ааҕан баран эмиэ санаатын этэн кулбута.Онон уларыйыы элбэх этэ.
— Киинэ сүрүн санаата?
— Лааҕырдары олус сөбүлүүр буоламмын киинэм онно сыһыаннаах. Манна үс баһаатай туһунан кэпсэнэр. Олор ойуурга мунан хаалаллар. Киинэ күүстээх саналаах буоларга, сырдыкка тардыһарга үөрэтэр.
— Студияҕытыгар хас оҕо сылдьарый?
Барыта уон алтабыт. Кинилэр бары үлэлээхтэр, ким да туора турбат.Бэйэлэрин саҥа холонон эрэ оҕолор буолан,бэйэбитигэр олус интэриэһинэй этэ.Оннооҕор юристаахпыт.Тэрилбитин бэйэбит мунньан киинэбитин балтараа сыл уһуллубут.Тымныыны тымныы диэбэккэ.
—Максим өссө тугунан дьарыктанаргын сөбүлүүгүн?
—Таах сытарбын сөбүлээбэппин.Ол иһин саҥаттан саҥа иэйиини көрдүүбүн.Мин хаартыскаҕа түһэрэрбин сөбүлүүбүн.Үлэлээн муспут харчыбынан фотоаппарат уонна объектив ылан баҕа санаабын толорбутум.Биллэр уулусса фотографын көрөн, иэйии ылан хаартыскалыыр буолбутум.
— Салгыы туох былааннааххын?
— Салгыы киинэ студиябын сайыннарыам. Баҕар оонньуу оҥоруом,үөрэниэм. Сотору үөрэххэ туттарса барабын,олус долгуйбаппын.Табаарыһым эппитин курдук «время покажет».
— Киинэ устуон баҕарар оҕолорго баҕа санааҥ?
— Киинэни таптыыр оҕолорго этэ эрэллээх хамаанданы,биир киһи курдук үлэлииргитигэр баҕарабын. Саамай сүрүнэ мин санаабар хамаанда дии саныыбын.
—Максим ситиһиилэри, киинэҕэ тапталыҥ симэлийбэтин.Баҕарар үөрэххэр киирэргэр,эрэллээх доҕоттору!
Сандаара Тобонова,
саха тылын, литературатын учуутала,
Ньурба куорат