Олег Макаров – «Боотур Уус оонньууларын» кыайыылааҕа

Саха дьоно-сэргэтэ спорду сэҥээрэр буолан, спорт тула түмсэр. Оскуола да оҕолоро онтон туора турбаттар.

Бэс ыйын 1 күнүгэр Чурапчы Ытык сиригэр Маҕаайыга Оҕо аймах Үрүҥ Тунах ыһыаҕар “Боотур Уус оонньуулара” ыытылынна. Ыам ыйын 31 күнүттэн саҕалаан Чурапчы улууһун оскуолаларыттан спортка сыһыаннаах уолаттар бэйэлэрин тургутан көрөн, многоборье күрэҕэр күөн көрсөн саҕалаабыттара.

Икки күн устата улуус VIII-X кылааһын үөрэнээччилэрэ 9 көрүҥҥэ икки күн устата күөн көрүстүлэр. Ол курдук, хомуур күрэх, кулун тардыы, 400 м сүүрүү, мас тардыһыыта, үс төгүл үс, тутум эргиир, ойбонтон уулааһын, ыйааһыннаах сүүрүү, хомуур хапсаҕай.

Уолаттар бары да дьарыктаахтара биллэр, илиҥ-кэлиҥ түсүһэн кыахтаах бөҕөстөр буолан биэрдилэр. Күүрээннээх күрэхтэһииттэн көрөөччүлэр да, кыттааччылар да улаханнык астыннылар.

Түмүккэ уонча очконан кэннигэр хаалларан, С.К. Макаров аатынан Чурапчы гимназиятын Х кылааһын үөрэнээччитэ Олег Макаров кыайыылааҕынан таҕыста уонна 100 тыһыынча солк. уу харчынан тутта. Иккис миэстэҕэ Святослав Сивцев (С.А.Новгородов аатынан Чурапчы орто оскуолата), үһүскэ Петр Попов (Д.П.Коркин  аатынан Чурапчы интернат-оскуолата) буолла.

Күрэхтэһии кыайыылаахтара үрдүк сыанаттан ааттара ааттанна, сыаналаах бириистэри туттулар.

“Боотур Уус оонньуулара” арыллыытыгар улууспут баһылыга Степан Анатольевич Саргыдаев эппитин курдук, биһиги уолаттарбыт инникитин “Тыгын оонньуулара” курдук Саха сирин улахан түһүлгэтин кыайыылаахтара буолуохтарын сөп.

Баһылыкпыт үтүө тыла саргылаах буоллун!

Айтал ЗАХАРОВ, Х кылаас, С.А.Новгородов аатынан Чурапчы орто оскуолата,

Вика БОРИСОВА, XI кылаас, А.П. Илларионов аатынан Хайахсыт орто оскуолата