«Майский бал» диэн биһиги оскуолабыт сылы түмүктүүр, бастыҥнары бэлиэтиир, олус күүтүүлээх тэрээһиммит буолан ааста. Быйылгы үөрэх дьылын олус элбэх үөрэнээччи ситиһиилээхтик түмүктээтилэр. Оҕолору наҕараадалааһыҥҥа Грамота эрэ буолбакка, араас суммалаах именной стипендия ананна.
Биһигиттэн, Н.Е Мординов аатынан «Кэскил» оҕо бэчээтин кыһатын дириэктэрин Ольга Ивановна Семенова «Активный участник медиастудии» стипендиятын 7 «а» кылаас үөрэнээччитэ Олег Афанасьев ылла. Онтон мин, Даша Сидорова «Кэскил» оҕо бэчээтин кыһатын сүрүн редакторын Сардана Анатольевна Матвеева стипендиятын «Активный участник медиастудии» диэн тутан олус үөрдүм! Онон биһиги олус киэҥ туттабыт уонна үөрэбит.
Учууталбар, наставникпар, Кэскилээнэ Николаевнаҕа олус күүскэ махтаныахпын баҕарабын! Кини күүстээх көмөтө, үлэтэ, араас элбэх ситиһиилэри миэхэ бу үөрэх дьылыгар бэлэхтээтилэр, «Кэскил» оҕо бэчээтин кыһатын кытта күүскэ үлэлээн, өрүү сайда туруохпут, элбэҕи өссө ситиһиэхпит диэн эрэнэбин!
Даша Сидорова,
8 «а» кылаас үөрэнээччитэ
«ОхлопковNews» медиа киин кэрэспэндиэнэ