Бүгүн муус устар 25 күнүгэр Горнай улууһун Бэрдьигэстээҕэр Л.Е. аатынан Эбии үөрэхтээһин киинигэр Бүтүн Арассыыйатааҕы «Зарница 2.0» байыаннай патриотическай оонньуу регионнааҕы түһүмэҕин «Тактическая медицина и самопомощь» күрэҕэ буолла. Манна кыттааччылар бастаан хамаанданан, онтон хамаандаттан иккилии медик уонна биир бааһырбыты оруолун толорор кытыннылар.
Бастакы түһүмэххэ (хамаанданан) кыыттааччылар атахха бааһырар түгэҥҥэ бэйэни хайдах быыһанары көрдөрдүлэр. Бааһырбыт атхтарыгар жгут туруоран баран, тэйиччи сыыллан биэрэллэр. Сүрүн ирдэбиллэр: бааһырбыт атаҕы көмөлөһүннэриэ суохтаахтар, жгуту сөллүбэт уонна ыга гына бааммыт буолуохтаахтар. Хаманда бүтэһик кыттааччыта биэтэккэ кэллэҕинэ бириэмэ тохтуур.
Иккис түһүмэх. Хамаандаттан икки быраас уонна биир бааһырбыт оруолун толорор кыттааччы күрэхтэһэллэр. Быраастарга бааһырыы ханан баарын эттэхтэринэ, кинилэр ол бааһырыыга сөптөөх бары ирдэбиллэри тутуһан туран бастакы көмөнү оҥоруохтаахтар уонна наһыылканан куттала суох сиргэ илдьиэхтээхтэр. Бааһырбыт оруолун толорооччу дьонугар көмөлөһүө суохтаах.
Күрэх хаамыытын «Воин» үөрэх киинин интсруктора Георгий Иосифович Лебедев сыаналаата.
Keskil14.ru