Аҕам Иван Алексеевич Федоров Хаҥаласпыт нэһилиэгин спорт саалатыгар охраннигынан үлэлиир. Кини олус үлэһит, күүстээх, үтүө майгылаах. Нэһилиэккэ буолар араас күрэхтэһиилэргэ кыттар, сороҕор оройуоҥҥа мас тардыһааччы, хапсаҕайдааччы.
Дьиэҕэ олус элбэхтэ үлэлиир: муус киллэрэр, мас хайытар, дьиэ оһоҕун оттор, хаар күрдьэр, хаар таһар. Бу манна барытыгар миигин үөрэтэр, биһиги иккиэн үлэлиибит. Мин аҕам ирдэбиллээх, үлэҕин түмүктүөхтээххин диир. Кини өссө ийэм суоҕугар араас аһы астыыр, биһигини көрөр.
Бултуурун, балыктыырын наһаа сөбүлүүр. Куска, куобакка, мас көтөрүн булдугар куруук сылдьар, миигин үөрэтэр. Саас буолла даҕаны куйуурдуу барар. Аҕам маһынан уһанарын сатыыр, кини тутааччы. Дьиэ тутарга миигин ааспыт сайыҥҥыттан үөрэтэ сылдьар. Мин билигин инструменнары үөрэтэбин, туттарыгар ылан биэрэбин.
Аҕабар куруук көмөлөһөбүн, кинини мин күүскэ таптыыбын.
Аҕалар күннэринэн эҕэрдэлиибин!
Леон Федоров, 6 кылаас, Хаҥалас, Ньурба.