Бүгүн, тохсунньу 17 күнүгэр, Покровскай куоракка Бэчээт күнүгэр аналлаах улуустааҕы тэрээһиҥҥэ М.Е. Васильева аатынан 2 Малдьаҕар орто оскуолатын медиакиинигэр суруналыыс Афанасий Михайлович Яковлев аатынан бириэмийэни кини дьиэ кэргэнэ туттарда.
Медиакиин оскуолаҕа, нэһилиэккэ ыытыллар тэрээһиннэри, сонуннары «Хаҥалас» хаһыакка ыытар. Оҕолор хаартыскаҕа түһэрэннэр, информация түргэнник тиийэрин ситиһэллэр. Ол курдук, нэһилиэккэ саҥа уһуйаан, саҥа врачебнай амбулатория, саҥа хотон үлэҕэ киирэллэригэр бастакынан медиакиин хаартыскаларынан «Хаҥалас» хаһыакка сырдатыллыбыта.
М.Е. Васильева аатынан 2 Малдьаҕар орто оскуолатын медиакиинэ.