Хаҥалас улууһун 2-Дьөппөн орто оскуолатыгар өссө биир үөрүүлээх түгэн тосхойдо. Ол курдук, үөрэхпит кыһата 125 сыллаах үбүлүөйүнэн, талах мастары олордон, үүнээйилэри ууһатар сир арыйдыбыт. Рассаданы биһиги социальнай партнербут Арктикатааҕы судаарыстыбаннай агротехнологическай университет бэлэх ууммута.
Саха киһитигэр бу сиргэ дьиэ тутартан ураты бэлиэ эбээһинэс мас олордуу буолар. Бу үүнээйилэр куруук оскуолабытын киэргэтиэхтэрэ, сылын ахсын киһи хараҕын үөрдэ туруохтара. Өссө бэлиэтиэхпитин баҕарабыт, бу питомникпыт бары ытыктыыр киһибит учуонай, наука доктора Афанасий Васильевич Чугунов сырдык кэриэһигэр анаан арылынна.
Үөрэхпит агро хайысхалаах, оҕолорбут бэйэлэрэ олордубут үүнээйилэрэ кэлэр кэнэҕэски көлүөнэҕэ дылы үүнэ-сайда турдун! Ректор Валерий Иннокентьевичка, агрооскуолалар куратордарыгар Александра Петровнаҕа улахан махталбытын тиэрдэбит!
Сиһилии видеоҕа көрүҥ:
2-Дьөппөн агро хайысхалаах орто оскуолата, Хаҥалас.