Арассыыйа үөрэҕириитин бочуоттаах бэтэрээнэ, РФ үөрэҕириитин бочуоттаах үлэһитэ Галина Григорьевна Сорова көҕүлээһининэн үгэс буолбут «Дьиэ кэргэттэр икки ардыларыгар спортивнай күрэс» ыытылынна.Тэрээһиҥҥэ Попова Марианна Степановна, оскуола физруктара: Татьяна Прокопьевна Слепцова, Кэрэчээнэ Егоровна Терентьева; Владимир Владимирович Оконешников, спортинструктор Күндүлээн Литвинцев сүрүннээччи буоллулар.Кинилэргэ кылаас салайааччылара көмөлөстүлэр.Үөрүлээх арыллыыга холбоһук салалтатын аатыттан Ульяна Васильевна Егорова тыл эттэ.
Барыта 23 дьиэ кэргэн кыттан, илин-кэлин түһүстүлэр.
Маннык көрүҥнэргэ көхтөөх күрэхтэһии буолла:
1. Сыал ытыы.
2. Хабылык, хаамыска.
3. «Хомуур күрэҕэ».
4. Миэстэттэн ыстаныы.
5. «Көрдөөх стартар».
Кыайыылаах дьиэ кэргэттэр:
1 миэстэни — Ньургуяна, Сайыына, Викториан, Айталина Афанасьевна, Алексей Иванович Шестаковтар дьиэ кэргэн ылан, кыайыы өрөгөйүн биллилэр.
2 миэстэҕэ — Саргы, Маргарита Николаевна Бродниковтар, Виктор Михайлович Спиридонов дьиэ кэргэнэ тигистэ.
3 миэстэни — Мичийэ, Эрчимэн, Мария Митрофановна, Ананий Парфеньевич Ананьевтар дьиэ кэргэн ылан үөрүү-көтүү буоллулар.
Кыайыылаахтар дьоһуннаах бириистэринэн бэлиэтэннилэр. Хас биирдии кыттыбыт дьиэ кэргэн анал бириистэри тутан, астынан тарҕастылар.
Бу күрэҕи тэрийиигэ ОАО
«Төлөн» тэрилтэ, салайааччы Ил Түмэн дьокутаата П.Д.Рахлеев, Харбалаахтааҕы үөрэхтээһин холбоһуга, А.П.Ерилова, А.А.Васильева, В.В.Оконешников, олохтоох администрация үбүнэн көмөлөстүлэр.
Элбэх дьиэ кэргэни кытыннарбыт кылаастарга миэстэ таһаарбыттарын түмүгэ маннык буолла:
1 миэстэ — 2 кылаас, кылаас салайааччыта С.Р. Винокурова.
2 миэстэ — 1кылаас, Салайааччы К.И.Старостина.
3 миэстэ — 6 кылаас, салайааччы
К.В.Григорьева.
Онон Өрөспүүбүлүкэбит төрүттэммит күнүн, улуу Кыайыы өрөгөйдөөх үбүлүөйүн көрсө дьиэ кэргэттэр түмсэн, күрэхтэһэ таарыйа, үөрэ-көтө алтыһан, тэрийээччилэргэ барҕа махталларын тиэртилэр. Маннык түгэннэр дьиэ кэргэни сомоҕолууллар, дьулуурдаах, чэгиэн-чэбдик буоларга сирдииллэр.
Лейла Никонова, Валентина Кривошапкина, Харбалаах, Таатта.