Бүгүн Харбалаахтааҕы үөрэхтээһин холбоһугар Өрөспүүбүлүкэ төрүттэммит күнүгэр аналлаах тэрээһиннэр саҕаланнылар. Үөрүүлээх линейканы СӨ үтүөлээх учуутала В.С.Кривошапкина салайан ыытта. Кини САССР хайдах хаһан тэриллибитин, кимнээх өрөспүүбүлүкэни олохтообуттарын туһунан билиһиннэрдэ. Онтон холбоһук директора Л.А. Афанасьева эҕэрдэлээтэ. Салгыы ускуустуба оскуолатын учууталлара В.А.Парфенова, А.Багынанов көҕүлээһиннэринэн Аал луук маһы тула оһуокай олохтонно. Оһуокайы 7-с кылаас үөрэнээччитэ Айсаана Федорова таһаарда.
Күнүс үс чаастан олохтоох библиотека үлэһитэ А.В. Тарабукина кэлэн, 7-10 кылаас үөрэнээччилэрин түмэн, үс хамаандаҕа арааран, Автономия туһунан квест оонньууну ыытта. Манна бары көхтөөхтүк кыттан, олус элбэҕи биллибит.
Сарсын «Мин-Өрөспүүбүлүкэ инники кэскилэбин!»-диэн девизтээх улуу Кыайыы 80 сыллаах үбүлүөйүгэр аналлаах «Ситиһии күнэ» ыытылларын долгуйа күүтэ сылдьабыт.
Веолетта Петрова, Харбалаахтааҕы үөрэхтээһин холбоһугун 8 кылааһын үөрэнээччитэ