Оҕолоор, сайын үүнээйи хомуйан хатарбыккыт дуо? Эһиэхэ редакциябыт худуоһунньуга Сардаана Мухина айылҕа бэлэҕиттэн хартыына оҥорорго үөрэтиэ.
Туттар тэрилбит:
— маҥан кумааҕы,
-акварель эбэтэр гуашь,
— киистэ,
-гербарий.
1. Маҥан кумааҕыга акварелинан эбэтэр гуаһынан халлааны уонна оту уруһуйдуубут
2. От өҥүн араҕас кыраасканан кыратык суурайабыт. Хаппыт сэбирдэхтэри кыһыл, араҥас, сырдык саарыл (оранжевай) өҥнөрүнэн биирдиилээн кырааскалыыбыт.
3.Ити сэбирдэхтэри фонҥа маннык сыһыарабыт. Бу тиит төрдө буолар.
4. Араас быһыылаах сэбирдэхтэри эбии туттахха, хартыынабыт биллэ тупсуо.
5. Синньигэс киистэнэн мастар умнастарын, халлааҥҥа көтөн иһэр чыычаахтары уруһуйдуубут.
6. Күһүҥҥү хартыына бэлэм. Биһигини кытта тэҥҥэ уруһуйдаан, саҥаны ньыманы биллигит.