Игидэй нэһилиэгин кырачаан олохтоохторугар олус үөрүүлээх күн үүннэ. Соторутааҕыта оҕо площадкатын үөрүүлээх аһыллыыта уонна «Чуораанчыктыын доҕордос» ыһыах үһүс сылын ыытылынна. Бырайыак автора — саха тылын уонна литературатын учуутала, «Чуораанчык» оҕо сурунаалын кытта ситимнээхтик үлэлээн ааҕыы эйгэтин тэрийээччи Ефимова Варвара Константиновна.
Тэрээһин оҕолорго саҥа спортивнай площадканы аһыы сиэриттэн-туомуттан саҕаланна. Айыылартан көрдөһүү сиэрин Софрон Егорович Оросин толордо. Нэһилиэк аҕа баһылыга Руслан Алексеевич Захаров нэһилиэк кырачаан олохтоохторун бүгүҥҥү үөрүүлээх күнүнэн эҕэрдэлээтэ.
Игидэйдээҕи «Теремок» уһуйаан сэбиэдиссэйэ Потапова Ирина Степановна, методист Аргунова Мария Ивановна олус көхтөөхтүк уһуйаан оҕолорун , үлэһиттэрин түмэ тардан кытыннарбыттарын бэлиэтиир наадалаах.
Ыһыахха ыаллыы сытар Туора-Күөл орто оскуолатын 6-с кылааһын үөрэнээччилэрэ ыалдьыттаатылар. Кылаас салайааччыта Нария Петровна Васильева. Чурапчы улууһун Төлөй нэһилиэгин «Кустук» уһуйаана бырайыак саҕаланыаҕыттан бииргэ үлэлэһэр, быйыл кэтэхтэн үлэ ыытан кытынна (салайааччы Мотрена Дмитриевна Захарова).
Бырайыак сүнньүнэн элбэх көрүҥҥэ күрэс ыытылынна. Уруһуй куонкурсун «Теремок» уһуйаан сүрүннээн ыытта. Барыта 40 оҕо үлэтин дьүүллүүр сүбэ сыаналаата. Гран-при үрдүк аатын Постникова Ньургуһун Игидэй орто оскуолатын 3-с кылааһын үөрэнээччитэ сүктэ (салайааччы Захарова Александра Афанасьевна).
I миэстэ — Захарова Анжелина, 4-с кылаас үөрэнээччитэ, II миэстэ — Лопатина Ариана, 4-с кылаас, III миэстэ — Маркова Сахалена, 4-с кылаас (салайааччы Павлова Евдокия Павловна).
Уһуйаан оҕолорун ортотугар: I миэстэ — Максимова Яна МБДОУ ЦРР «Кустук» Төлөй, Чурапчы улууһа,
II миэстэ — Петров Сайдам Төлөй, сал: Максимова А.М, III миэстэ — Матаннанова Аайа МБДОУ «Теремок», салайааччылар Лопатина Т.С., Попова М.И.
«Чуораан уолу оҥор» оҥоһук куонкурсун Игидэй орто оскуолатын учууталлара сүрүннээтилэр. Коллективнай үлэлэргэ түмүк маннык таҕыста: I миэстэ — 1-кы кылаас оҕолоро, II миэстэ — 3-с кылаас оҕолоро, III миэстэ — 2 кылаас оҕолоро, (салайааччы Дьяконова Ольга Спартаковна).
Биирдиилээн оҥоһукка миэстэ маннык таҕыста. Уһуйаан оҕолоругар: I миэстэ — Егоров Артем, II миэстэ — Дьяконова Мичийээнэ, III миэстэ — Иовлев Лонгин, Жулев Ильдар. Оскуола оҕолорун ортотугар: «Гран при» — Маркова Лиана, 2-с кылаас үөрэнээччитэ, I миэстэ — Дьяконов Толя, 4-с кылаас, II миэстэ — Семенова Кристина, 1-кы кылаас, Ефимов Миша — 4-с кылаас, III миэстэ — Захарова Айыына, 2-с кылаас, Захарова Сайыына — 2 кылаас. Бөлөҕүнэн кыайыынан ситистилэр Захаров Жора, Никифорова Айаана, Захарова Айсаара, Егорова Люба, Валерия, Амелия Ивановтар (cалайааччы: Дьяконова Ольга Спартаковна).
Хоһоон куонкурсун нэһилиэк модельнай бибилэтиэкэтэ (салайааччы Жулева Кристина Алексеевна), оскуола бибилэтиэкэтэ Попова Гизелла Софроновна холбоон оҥордулар. Барыта 28 оҕо Чуораанчык туһунан хоһоон айан кытынна. Кыра бөлөхтөргө: I миэстэ Абрамов Марк «Чугдаарар Чуораанчык» Төлөй уһуйаана, Чурапчы, II миэстэ Попова Айсаана «Сурунаалым Чуораанчык» Төлөй, Чурапчы, III миэстэ Флегонтова Сардаана, Дьокуускай куорат
2 бөлөх: I миэстэ Маркова Лиана 2-с кылаас (салайааччы Матаннанова М.П.), II миэстэ Варламов Никита, 4-с кылаас (салайааччы Дьяконова О.С.), II миэстэ Ордахова Виолетта, 4-с кылаас (салайааччы Дьяконова О.С.), III миэстэ Бурмистрова Галя, 5-с кылаас (салайааччы Ефимова В.К.).
Литературнай кинигэ куонкурсугар уопсайа 9 кинигэ киирдэ. I миэстэни Туора-Куел орто оскуолатын 6-с кылааһын үөрэнээччилэрэ ыллылар (cалайааччы Васильева Н. П). II миэстэ Игидэй орто оскуолатын 6-с кылааһын кэлэктиибэ буолла (салайааччы: Дягилева С.С.). III миэстэҕэ Игидэй орто оскуолатын 5-с кылааһын кэлэктиибэ таҕыста (салайааччы Ефимова В.К.).
«Кыыс кэрэтэ уһун суһуоҕар» уонна Чуораанчык бэргэһэтин куонкурсун олохтоох дьаһалта специалиһа Жулева Александра Семеновна иилээн-саҕалаан тэрийдэ. Александра Семеновна бу бырайыак тэриллиэҕиттэн күүскэ өйөөн-убаан эппиэтинэстээхтик сыһыаннаһан нэһилиэк кырачаан олохтоохторугар үөрүүнү бэлэхтиир киһим. Чуораанчык бэргэһэ куонкурсун ааптара. Кини идеятынан Игидэй нэһилиэгэр кып-кыра оҕотуттан саастаах дьонугар тиийэ Чуораанчык бэргэһэтин суолта ууран кэтэллэр.
Лопатина Туйаара Петровна тигэн таһаарбыт бэргэһэтиттэн идея ылан өрөспүүбүлүкэ бүтүннүү кыттыһан, 100 оҕо хор ыллыырыгар оннук бэргэһэлэннилэр. Онон Дэбдиргэттэн Саха сиригэр барытыгар Чуораанчык бэргэһэтэ тарҕанна. Быйыл барыта бу тэрээһиҥҥэ 21 киһи бэргэһэ кэтэн кытынна. Кыайыылаахтарынан Дьяконова Ольга Спартаковна дьиэ кэргэнэ таҕыста.
Уһун суһуохха барыта 10 кырачаан кыргыттар күөн көрүстүлэр. Суһуох тутумун кээмэйдээччи Марат Лопатин 4-с кылаас үөрэнээччитэ сарсыардаттан кэлэн долгуйа кэтэстэ. Саамай уһун суһуохтаах «Кылаан бириис» аатын сүктэ Егорова Люба, 3-с кылаас Дэбдиргэ 12 тутум икки тарбах. Люба иккис төгүлүн бастакы миэстэни ылары ситистэ.
I миэстэ Никифорова Айаана, 2-с кылаас Дэбдиргэ (11 тутум 3 тарбах). Айаана талааныгар олус үчүгэйдик ыллаата, көрөөччү сэҥээриитин ылыан ылла. II миэстэ Никитина Айыллаана, 4-с кылаас, Туора-Күөл (11 тутум 3 тарбах). III миэстэ Захарова Айыына, 3-с кылаас Дэбдиргэ (10 тутум, 4 тарбах). Бу күн эрэ аһыллыбыт саҥа спортивнай балаһааккаҕа оҕолор дуоһуйа оонньоотулар.
Түһүмэхтэр икки ардыларыгар «Чуораанчык» сурунаалы суруйтарыы квитанциятынан лоторея оонньонно. Оҕолор сурунаалтан бириис тутан үөрдүлэр. Чуораан уоллуун доҕордостулар, хаартыскаҕа түстүлэр, ыллаатылар-туойдулар, үҥкүүлээтилэр, оһуокайдаатылар.
Бырайыагы тэрийээччилэр уонна өйөөччүлэр нэһилиэк кырачааннарыгар, ыраахтан-чугастан кэлбит ыалдьыттарга дьоллоох оҕо саас дьикти түгэнин бэлэхтээтилэр.
Бырайыак кыттыылаахтара: Дьокуускай куораттан «Чуораанчык» сурунаал редактора Татьяна Ильинична Жиркова, ааҕыыны тэрийиигэ, сурутууну көҕүлээһиҥҥэ спонсордар: Ил Тумэн депутата Гуляев Михаил Дмитриевич уһуйаан уонна оскуола библиотекатыгар икки сертификат анаата, улуус аҕа баһылыга Михаил Михаилович Соров биэс элбэх оҕолоох ыалга сурутууга спонсордаата.
Бырайыагы куолаан тэрийистилэр: Игидэй нэһилиэгин дьаһалтата — баһылык Захаров Руслан Алексеевич, солбуйааччы Марков Е.А., дьаһалта специалиһа Жулева Александра Семеновна, норуот айымньытын дьиэтин директора Жиркова Оксана Максимовна, Ермолаева Мария Иннокентьевна, модельнай библиотека Жулева Кристина Алексеевна, оскуола библиотеката Попова Гизелла Софроновна. Ону тэҥэ алын сүһүөх кылаас метод холбоһуга салайааччы Павлова Евдокия Павловна, учууталлар: Антоева Лариса Ивановна, Матаннанова Мавра Павловна, Захарова Александра Афанасьевна, оскуола психолога Дьяконова Ольга Спартаковна, нуучча тылын учууталлара Дягилева Саргылана Семеновна, Ермолаева Мария Павловна, иитэр үлэҕэ директоры солбуйааччы Иванова Саргылана Алексеевна үлэлэстилэр.
Ааптар: Варвара Ефимова, «Чуораанчыктыын доҕордос» бырайыак ааптара