Россиятааҕы педагогическай кээмэйдээһиннэр федеральнай институтун дириэктэрэ Оксана Решетникова БКЭ (биир кэлим эксээмэн) уонна ССЭ (сүрүн судаарыстыбаннай эксээмэн) уларыйыыларын туһунан «Домашний час» онлайн-марафоҥҥа маннык кэпсээтэ:
— БКЭ сорудахтара, дистанционнай үөрэхтээһин киирбитинэн, чэпчэтиллиэхтэрэ суоҕа. Бастатан туран, үөрэх дьылын бүтүүтэ саҥа тиэмэни барбаттар, эксээмэҥҥэ бэлэмнэнэн, урукку барбыт тиэмэлэри хатылыыллар уонна чиҥэтэллэр. Иккиһинэн, уларыйыы, эбии-көҕүрэтии техническай өттүнэн кыаллыбат: КИМ (контрольно-измерительный материал) хайыы-үйэ бэлэм, ону уларыппаппыт. Үсүһүнэн, БКЭ түөрт сыл устата суолтатын сүтэрбэт, онон урут уонна быйыл туттарааччылары тэҥэ суох усулуобуйаҕа туруоруо суохтаахпыт.
— ССЭ улахан уларыйыылар киирдилэр. Быраактыка өттүнэн сорудах элбээтэ. Холобур, математика эксээмэнигэр кыбартыыра чертеһунан манна төһө обуой барарын суоттаан таһаарыахтаахтар. Химияҕа эксперимент ыытыахтаахтар. БКЭ-ҕэ итинник сорудахтар 2022 сылтан киирэллэрэ былааннанар.
— Эксээмэннэри компьютер нөҥүө дистанционнай ньыманан ыытыы былааҥҥа суох. Арай өскөтүн регионнарга техническэй өттүнэн кыаллар буоллаҕына, информатикаҕа БКЭ-ни 2021 cыллаахтан онлайн ньыманан ыытар буолуохпут.
⠀- Обществоведение БКЭ-гэр Конституция туһунан сорудахха уларыйыы киирэр ыстатыйалар таарыллыбаттар.
⠀- Хас биирдии регион ССЭ-ҕэ КИМ варианнарын аһаҕас баантан ылар. Ол эрээри сорудахтар эппиэттэрэ эрдэ тарҕанар кыахтара суох.
⠀
— ФИПИ саайтыгар оҕо бэйэтэ дьарыктанарыгар сорудахтар бааллар. Ол – БКЭ уонна ССЭ бары бэридимиэттэригэр аналлаах демонстрационнай варианнар, ыйытыктар толору барыта уонна эксээмэҥҥэ бэриллэр тиэмэлэр. Манан салайтаран, оҕо барбыт тиэмэлэрин хатылыыр.
⠀
— Муус устар 14 күнүттэн саҕалаан, ФИПИ саайтыгар БКЭ уонна ССЭ методическай рекомендацияларын таһаарыаҕа. Онно бастаан эрдэ туттарааччыларга (досрочный период) аналлаах КИМ варианнара, кэлин олор эппиэттэрэ тахсыаҕа.
⠀
Ааптар: РФ Рособрнадзор пресс-сулууспата