От ыйын 25 уонна 27 күннэригэр Саха сириттэн «Жемчужина» сынньанар уонна чэбдигирдэр лааҕырга 100 оҕо тиийдэ. Онтон атырдьах ыйын 3 күнүгэр өссө 98 оҕо сынньана көтүөҕэ.
«Жемчужина» оҕо этин-сиинин чэбдигирдэр лааҕыр Приморскай кыраайга баар, Уһук Илин эрэгийиэн кэрэ айылҕалаах сиригэр турар бастыҥ лааҕырынан биллэр.
Хас сайын аайы лааҕыр 4 сменаны арыйар. Хас биирдии смена ураты бырагыраамалаах, ол курдук биһиги оҕолорбут «Кругозорро» диэн дойду олохтоохторо буоллулар. Маны таһынан араас куруһуоктар, эбии үөрэх дьарыктара, куонкурустар, маастар-кылаастар ыытыллыахтара. Дьэ, уонна саамай күүтүүлээҕэ — оҕолор астына-дуоһуйа муораҕа сөтүөлүөхтэрэ, Владивосток куоракка экскурсияҕа сылдьыахтара, ол иһигэр сафари-пааркаҕа, океанариумҥа!
Оҕолорго бэртээхэй сынньалаҥы баҕарабыт!
keskil14.ru