Улахан сүһүөх оскуола үөрэнээччилэрэ «Зарница» байыаннай-спортивнай оонньууга муһуннулар. Бу күн улууспут киинигэр «Үс хоһуун» спорт уораҕайыгар олус күүстээх, долгутуулаах түгэннэр аастылар. Барыта алта хамаанда бэйэтин кыаҕын тургутан, эр санаатын көрдөрдө.
Оонньуу саамай интэриэһинэй уонна эппиэтинэстээх түһүмэҕинэн «Медиктар күрэхтэрэ» буолла. Манна хас биирдии кыттааччы дьайыыта чопчу уонна түргэн буолуохтаах этэ. Мин бу күрэххэ бэйэм хамаандам иһиттэн кыттан, «кыһыл зонаттан» (красная зона) эчэйбит киһини быыһаан, кутталлаах сиртэн соһон таһаарыы үлэтин толордум. Бу түгэн олус эппиэтинэстээх, хас биирдии сөкүүндэ ахсын суолталаах этэ. Онтон хамаандабыт чилиэнэ Валя Иванова бу күрэххэ иккис сылын ситиһиилээхтик кыттар. Кини суолтатын биллэрэр кэмҥэ сүрэҕин сүтэрбэккэ, бааһырбыт киһини биинтэнэн баайан, бастакы мэдиссиинэ көмөтүн үрдүк таһымнаахтык оҥордо. Валя бэйэтин хорсун быһыытынан уонна билиитинэн-көрүүтүнэн хамаандабыт үлэтин таһымын өрө тарта.
Күрэхтэһии иэйиитэ-күүрээнэ олус улахан, интэриэһинэй этэ. Барыта алта хамаанда бэйэ-бэйэтин кытта киирсэн, ким эрдээҕин, ким тулуурдааҕын көрдөрдүбүт. Биллэн турар, барытын сатаабатах да буолларбыт, бу күрэх биһиэхэ улахан уопуту биэрдэ. Кэлэр сылга өссө үчүгэйдик бэлэмнэниэхпит, эрчиллиэхпит уонна саҥа кыайыылар диэки дьулуһуохпут.
«Зарница» — бу аата эр санаа, доҕордоһуу уонна тулуур оскуолата!
Алина ГАБЫШЕВА, «Тымтык» эдэр кэрэспэдьиэннэрин поһа, Ороһу, Үөһээ Бүлүү.
Кэскил14.ру