Ахсынньы 3 күнэ — Биллибэт саллаат күнэ. Хааннаах кыргыһыыга охтубут ааттара биллибэт бары саллааттары кэриэстээн ахтан-санаан ааһар күммүт.
Бу күн биһиги оскуолаҕа нэһилиэк мусуойун кытары түмэл уруога, викторина ыытылынна. Музей салайааччыта З.В. Анисимова бу күн суолтатын, Аҕа дойду Улуу сэриитин ытык бэтэрээннэрэ Аҕа дойду сэриитин ыар кэмнэрин, аас-туор олоҕу эттэринэн-хааннарынан билбиттэрин туһунан кэпсээтэ. Биһиги нэһилиэктэн сэрии толоонугар сураҕа суох сүппүт буойуттары сүһүөхпүтүгэр туран кэриэстээтибит.
Оҕолор Аҕа дойду Улуу сэриитин туһунан викторинаҕа көхтөөх кыттыыны ыллылар.
Сэрии толоонугар геройдуу охсуспут, кэлэр кэскил көҥүл олоҕун турууласпыт үтүө дьоммут аата хаһан да умнуллубатын!
Марина Васильева, 9 кылаас үөрэнээччитэ, «Ыллык» эдкорпост, Хаҥалас, Ньурба.