Стахановец
Степан Максимович Акимов-Ыстахаан Ыстапаан — Күүкэй нэһилиэгин киэн туттар дьонуттан биирдэстэрэ.
Кини бастакы стахановскай хамсааһыҥҥа кыайыылааҕынан тахсан, “Бассабыык” колхозка бастакынан стахановец буолбута. Онтон ыла норуот иҥэрбит Ыстахаан Ыстапаан диэн аатын сиргэ-буорга түһэрбэккэ, ол дойдуга илдьэ барбыта.
Степан Максимович бэрт чэпчэки уонна түргэн туттуулаах-хаптыылаах, олус кытыгырас, үлэҕэ буспут-хаппыт, күҥҥэ 2 га сири илиинэн охсон, тэҥнээҕин булбатах киһи эбит. Атаҕын төбөтүгэр сэксэччи туттан хаамтаҕына, бэргэһэтин сыҥааҕа тэлээрэн иһэр буолара үһү. «Оо, Ыстахаан тэлээрэн иһэр», — диэн дьон ыраахтан көрөн эндэппэккэ билэрэ.
Сэриигэ
Степан Максимович Аҕа дойду сэриитин кыттыылааҕа. Ленинград оборонатыгар Ладожскай күөл кытыытынан ааһар, сурахха киирбит «Дорога жизни» суолу манааһыҥҥа биир дойдулааҕа, саха бэрдэ Егор Васильевтыын (Эбиһэ Дьөгүөрдүүн) сулууспалаабыттара.
Ыстахаан Ыстапаан олус көрдөөх сэһэннээх, оһуохайдьыт, кытыгырас киһи эбит. Сэрии кэмэ да буоллар, биирдэ эмэ сынньалаҥҥа эдэр уолаттар сүүрэн, ыстанан күрэхтэһэллэр эбит. Степан араас омук уолаттарын кэннигэр хаалларан, биэтэккэ урут кэлэрэ үһү. Ону уолаттар кыһыйан: “Эбисийээнэ курдук ыстаҥалыы-ыстаҥалыы сүүрэр”, — дэһэллэрэ үһү. Акимов Степан Максимович Берлиҥҥэ тиийэ кыргыспыт сэрии ветерана, үлэһит бастыҥа этэ.
Күрэхтэһии 30 сыла чугаһаата
Нэһилиэкпит Ытык киһитэ С.М. Акимов-Ыстахаан Ыстапаан бирииһигэр сүүрүү күрэҕэ 1992 сылтан СР үөрэҕириитин туйгуна Саввинова Валентина Афанасьевна бачыымынан ыытыллар.
Күрэх сүрүн сыала-соруга: ыччаты патриотическай тыыҥҥа иитии, нэһилиэкпит ытык дьонугар сүгүрүйүү, спорду, чөл олоҕу көҕүлээһин, чэпчэки атлетикаҕа бастыҥ спортсмен үөрэнээччини таһаарыы, үүннэрии.
Бу күрэххэ 27 сыл устата чугастааҕы нэһилиэктэртэн элбэх сүүрүк оҕо кыттыбыта. Бастаан куста эрэ иһинэн ыытыллар буоллаҕына, быйыл оскуолабыт тэриллибитэ 100 сылын көрсө, улуус таһымыгар таҕыста.
100 сылга — 100 күрэхтэһээччи
Ыстахаан Ыстапаан төрөппүт уола, сүүрүү спонсора, СР тыатын хаһаайыстыбатын үтүөлээх үлэһитэ, Сунтаар улууһун бочуоттаах олохтооҕо, Элгээйитээҕи эт-үүт кэмбинээтин дириэктэрэ Прокопий Степанович Акимов бу күрэҕи мэлдьи өйүүр, бирииһи бэйэтэ туруорар.
Быйылгы Ыстахаан бирииһигэр ыытыллыбыт сүүрүү күрэҕэр барыта 11 оскуолаттан 100 оҕо кытта кэлбитэ — оскуолабыт 100 сылын кытта сөп түбэспитэ сөхтөрдө да, үөртэ да.
Эдэр спортсменнары Ыстахаан Ыстапаан уола П.С. Акимов, Күүкэй орто оскуолатын дириэктэрэ Е.И. Алексеев, күрэхтэһии кылаабынай судьуйата Н.С. Алексеева эҕэрдэлээтилэр.
Сүүрүү күрэҕин балаһыанньата
Орто сүһүөхтэргэ: V-VI кыл. – 60 м, 800 м, VII-VIII кыл.—60 м,1500 м.
Үрдүкү кылаастарга: IX-X кыл. – 60м, 2000 м (кыргыттар), 3000 м (уолаттар).
Эстафета – 4х100 м.
Кыайыылаахтар мэтээлинэн, грамотанан уонна сыаналаах бирииһинэн наҕарааданаллар. Эстафетаҕа бастаабыт оскуола хамаандата анал Кубогы ылар чиэскэ тиксэр.
Күрэхтэһии түмүгэ
5-6 кылаас. 60 м (уолаттар)
1м — Игнатьев Игнат, СПТЛИ.
2м — Архипов Никита ССОШ №1
3 м — Иннокентьев Максим, СПТЛИ
5-6 кылаас. 60 м (кыргыттар)
1 м — Ляшева Марина,СПТЛИ.
2 м — Кириллина Сабрина СПТЛИ.
3 м — Дьячковская Виолетта, СЮГ
5-6 кылаас. 800 м (уолаттар)
1 м — Архипов Никита, ССОШ№1
2 м — Акимов Саша, Кюкяй
3 м — Сидоров Юлиан, Аллана
5-6 кылаас. 800 м (кыргыттар)
1 м — Васильева Айсена, СПТЛИ
2 м — Ляшеева Марина, СПТЛИ
3 м — Дьячковская Виолетта, гимназ
7-8 кылаас.60 м (уолаттар)
1 м — Захаров Вадим, Кутана
2 м -Тимофеев Артур, Кюкяй
3 м — Петров Юлиан, СПТЛИ
7-8 кылаас.60 м (кыргыттар)
1 м — Сазонова Дайаана, Тойбохой
2 м — Саввинова Маша, СПТЛИ
3 м — Семенова Галя, СПТЛИ
7-8 кылаас. 1500 м (уолаттар)
1 м — Захаров Вадим, Кутана
2 м — Семенов Арчылан, Кемпендяй
3 м — Горбунов Василий, Хоро
7-8 кылаас. 1500 м (кыргыттар)
1 м — Тотонова Уйгууна, СПТЛИ
2 м — Кычкина Полина, Кутана
3 м — Сазонова Дайаана, Тойбохой
9-10 кылаас.60 м (уолаттар)
1 м — Антонов Ньургун, Аллана
2 м – Ераскумов Арчын, ССОШ№1
3 м — Михайлов Алеша, Маар Күөл
9-10 кылаас.60 м (кыргыттар)
1м — Ксенофонтова Кундэл., СПТЛ
2 м — Данилова Дайаана, Тойбохой
3 м -Егорова Валерия, ССОШ№1
9-10 кылаас. 2000 м (кыргыттар)
1 м — Ксенофонтова Кундэл.СПТЛИ
2 м — Иванова Лена, ССОШ№1
3 м — Данилова Дайаана, Тойбохой
9-10 кылаас. 3000 м (уолаттар)
1м — Семенов Саша, ССОШ№1
2 м — Герасимов Егор, Тойбохой
3 м — Мохов Эдуард, СПТЛИ
Эстафета 4х100 м
1 м — СПТЛИ (55,17)
2 м — ССОШ№1 (56,33)
3 м — Маар-Күөл (57,16)
“Кустук” пресс-киин,
Күүкэй, Сунтаар.