Эдэр киһи харатаала тыла-санаата тиийэр, саҥарбыт саҥата сатанар, санаабыт санаата салаллар, эппит этиитэ эттэнэр, туппута тупсар!
СӨ Бырабыытылыстыбатын бэрэссэдээтэлин Андрей Владимирович Тарасенконы кытта ыччат кэпсэтиитэ буолан ааста. Ону кытта СӨ ыччат политикатын миниистирэ Петр Шамаев кыттыыны ылла.
Ол курдук, араас улуус бэрэстэбиитэллэрэ боппуруостары ыйыттылар. Амма улууһа үлэҕэ киирии, Анаабыр улууһа нэһилиэктэн улуус киинигэр, Үрүҥ Хайаҕа, айан кыһалҕаларын туһунан эттилэр.
Дьокуускай ыччата оҕону атаахтааһынын, иитиитин туһунан тугу саныырын ыйыттылар.
Чурапчы улууһа ыччат форумун ыытар баҕалааҕын тиэртэ.
Андрей Тарасенко:
Форумнарга, бэстибээллэргэ кыттыҥ. Кинилэр эһиэхэ билиини-көрүүнү ылынарга көмөлөһөллөр!
Өссө Дьокуускай биир кэрэ аҥар ыччата кэргэнэ научнай бырайыактааҕын, Өрөспүүбүлүкэҕэ эдэр учуонайдары өйөөһүн соччото суоҕун эттэ. Ханна көмө көрдүөххэ сөбүй диэҥҥэ «Фонд развития инноваций» дириэктэриттэн Василий Ефимовтан эппиэт ылла.
Олус элбэх ыйытык IT хайысхаҕа бэрилиннэ. Саха сирэ бу өттүгэр өйөөһүнэ улаханын, сайдыыта кэскиллээҕин эттэ.
Эльдар Садовников