Украина неонацистара оҥорор ыар дьайыылаах буруйдарын көрөр-истэр, хонтуруоллуур сыаллаах 2022 сыл кулун тутар 1 күнүгэр Аан дойдутааҕы общественнай трибунал тэриллибитэ. Бу трибунал тэриллиитин Арассыыйа уонна тас дойдулар суруналыыстара, быраабы араҥаччылааччылара, юристара көҕүлээбиттэрэ. Билиҥҥи туругунан, трибуналга 33 дойду гражданскай уопсастыбаларыттан бааллар.
Трибунал сүрүн соруга – буруй оҥоһуллубут чахчыларын хомуйан, түмэн быраабы араҥаччылааччыларга тиэрдии уонна ол туһунан иһитиннэриилэри Арассыыйа, Аан дойду туһааннаах сирдэригэр тиэрдии.
Быйыл 2025 сыл от ыйыгар анал байыаннай дьайыылар кыттыылааҕа, Украина неонацистара оҥорор ыар дьайыылаах буруйдарын көрөр-истэр Аан дойдутааҕы общественнай трибунал бэрэссэдээтэлэ Максим Григорьев уонна Арассыыйа Геройа, анал байыаннай дьайыылар кыттыылааҕа, Госдума депутата Дмитрий Саблин “Военные преступления киевского режима в Курской области и в Донецкой Народной Республике. Материалы Международного общественного трибунала по преступлениям украинских неонацистов (2025)” диэн кинигэни оҥорон, бэчээттэтэн таһаардылар.
Кинигэҕэ Аан дойдутааҕы общественнай трибунал неонацистар буруйдарын туһунан хомуйбут чахчылара тыыннаах дьон туоһулааһыннарынан түмүллэн киирбиттэр. Украина неонацистарын өттүлэриттэн ыар сыһыаны көрсүбүт дьон суруйууларын киһи ытырыктата ааҕар. 300-тэн тахса страницалаах кинигэ былаһын тухары киһи киһиэхэ кыайан кэпсээбэт ынырык строкалара бааллар, тыыннаах дьону моруу гынан, элэктээн, араастаан сордоон тыыннарын быспыттарын туһунан…
Бу кинигэҕэ Арассыыйа аармыйатын байыаннайдарын билиэҥҥэ ылан баран хайдах сордообуттарын, онуоха анаан-минээн оҥоһуллубут бары усулуобуйа барыта баарын туһунан инчэҕэй эттээх киһи тулуйан ааҕарыгар ыарахан. Кинигэни бу сигэнэн киирэн ааҕыахха сөп https://democracyfund.ru/userfiles/Преступления%20Киева.pdf
Сэрии кэмигэр гражданскай нэһилиэнньэни көмүскүүр IV Женеватааҕы конвенция 1949 сыллаахха ылыллан, 1950 сыллаахха олоххо киирбитэ. Онно олоҕуран, сэрии кэмигэр эйэлээх нэһилиэнньэни араастаан сордоон, муҥнаан өлөрүү, кинилэр олохторугар суоһарҕаныы ханна барытыгар уонна мэлдьи бобуллар. IV Женеватааҕы конвенция 147-с ыстатыйатыгар дьону анаан, сыаллаан-соруктаан соруйан өлөрүү уонна байыаннай сыала-соруга суох дьон олоҕун урусхаллааһын Конвенцияны кэһии буолар.
keskil14.ru
Демократияны чинчийэр фонда матарыйаалларыгар олоҕуран оҥоһулунна https://democracyfund.ru/news.php