Бүгүн, от ыйын 21 күнүгэр «Лингвокогнитивный анализ рекламных текстов» бырайыак эдэр чинчийээччилэрэ тьютордарын Валерия Борисованы кытта Дьокуускай куоракка сахалыы угуйуктары көрдүү, үөрэтэ бара сырыттылар.
Кинилэр бүгүҥҥү сыаллара: Дьокуускай куоракка Ленин проспегынан уонна Орджоникидзе уулуссалаларынан хаама сылдьан, араас сахалыы угуйуктары, баннердары булан хаартыскаҕа түһэрии. Ол кэннэ булбут угуйуктарынан лингвокогнитивнай чинчийиини ыытыы.
Дьокуускай киин уулуссаларынан хаампыттара. Кинилэр хас биирдии маҕаһыын, тэрилтэ таһыгар тохтоон, угуйуктары болҕомтолоохтук көрбүттэрэ. Уопсайа 20 тахса угуйугу булбуттара.
Угуйуктар тиэкистэрин көрөн, туох үчүгэйдээхтэрин, туох итэҕэстээхтэрин сыаналаатылар.
Борисова Валерия, бөлөх тьютора:
— Бүгүн биһиги бөлөхпүт Дьокуускай куорат киин уулуссаларыгар тахсан тас уонна ис рекламаларын көрөн-түһэрэн кэллибит. Бу рекламалар биһиги бырайыакпытыгар туһалаах матырыйаалларынан буоллулар. Эрдэ булуллубут матырыйааллары кытта холбоон, оҕолор бүтэһиктээх көрдөрүүлэри таһаардылар. Билигин биһиги бырайыакпытын бэлэмниир үлэ бара турар. Трифонова Олеся презентация оҥоро сылдьар, оттон мин билигин тиэкиһи суруйабын. Сотору кэминэн биһиги бэлэм буолуохпут уонна бырайыакпытын дьоҥҥо көрдөрүөхпүт. Онон, түмүктээн эттэххэ, биһиги бырайыакпыт бүтэһик түһүмэҕэр киирдэ. Рекламаны чинчийии, түмүктэри оҥоруу уонна матырыйааллары бэлэмнээһин кэнниттэн, билигин презентацияны уонна тиэкиһи түмүктүүр үлэ барар.
Карина СИВЦЕВА, «Кэскил» оҕо пресс-киинин юнкора