Үөһээ Бүлүүгэ үбүлүөйдээх 15 Олоҥхо ыһыаҕа САССР төрүттэммитэ 100 сылыгар түбэһэн,үрдүк таһымнаахтык бэлэмнэнэн ыалдьыттары көрүстэ.
Тутуулартан биири чорботон суруйуом.Ол хас биирдии нэһилиэккэ балаҕан тутуллан ,ыалдьыттары көрсүү буолар.
Ороһу нэһилиэгин администрацията ( баһылык Антонов Анатолий Васильевич) уһуйаан-оскуола улэһиттэрэ икки күн үрдүттэн астаан ыалдьыттары көрүстүлэр.
Хас биирдии ыраахтан кэлбит ыалдьыттарга куар кодтаах сувенир бэлэхтээтилэр.
Балаҕаҥҥа кимнээх ыалдьыттаатылар, диэтэххэ, Өймөкөөн, Бүлүү делегациялара.Элбэхтэн аҕыйаҕы ааттаатахха,Саха сирин Чысхаана (Тымныы оҕонньоро),Москваҕа саха атынан айаннаан иһэр Дугуйдаан Винокуров ийэтэ Ирина Христофоровна,аҕата Семён Львович,балта Самаана Винокуровтар,суруналыыс Елена Потоцкая.
Уонна төрөөбүт-үөскээбит улуустарын, нэһилиэктэрин ахта-саныы сылдьан,түгэн көстүбүтүнэн, ыһыахтыы кэлбит биир дойдулаахтарбыт ыалдьыттаан үтүө тылларын анаан ыалдьыттаабыттара истиҥ уонна үөрүүлээх.
Дьэ,Олоҥхо ыһыаҕын киэҥ эйгэҕэ таһаарарга анаан кэлбит Саха иһитиннэрэр-көрдөрөр ханаал директора-кылаабынай эрэдээктэрэ Олег Егорович Колесов-Талбан ыҥырыылаах ыалдьыт буолла.
Улуус дьаһалтата балаҕан туттаран дьон-сэргэ мустан, ип-итии үүттээх чэйи иһэ-иһэ ис дууһаларыттан кэпсэтэн санааларын сайҕаатылар, дууһалыын чэпчээтилэр.
Надя Котоконова, Ороhу