Күлүү – киһи олоҕун уһатар,
Күлүү – киһини сынньатар,
Күлүү – кэрэни түстүүр.
“Саха КВН” сайдыыта икки хайысхалаах: оскуола саастаах оҕолорго уонна ыччакка (устудьуоҥҥа) анаан. Салалта үгүс болҕомтону оскуола оҕолорун КВН –ыгар уурар. Ол сүрүн төрүөтүнэн КВН иитэр уонна үөрэтэр күүһэ буолар. КВН – ҥа культура уонна искусство бары кэриэтэ жанра хабыллар буолан, оҕону үгүс өттүттэн сайыннарар, иитэр, үөрэтэр кыахтаах….”. «Саха КВН» бүгүн – оҕо – аймах, ыччат улаханнык сэҥээрэр оонньуу – күрэҕэр кубулуйда. Кэрэхсэбиллээҕэ диэн, бу сэргэх хамсааһыны үгүс оскуола, оҕо тэрилтэлэрин салайааччылара сөпкө өйдөөтүлэр уонна өйөөтүлэр, педагогтар уонна төрөппүттэр интэриэстэрэ сыллата дириҥээн иһэр.
«Саха КВН» сүрүн соруга – саха тылын баайын ыччакка төнүннэрии. Сахалыы КВН – ҥа кыттар оҕолортон кэнэҕэс сытыы, тобуллаҕас толкуйдаах, сахалыы сайдам тыллаах – өстөөх, омук бастыҥ баайын иҥэринэ сылдьар дьон үүнэн – силигилээн тахсыахтара.
КВН – ҥа оҕолор оонньуу үөрэнэллэригэр, КВН туһунан өйдөбүл ылалларыгар анаан Таатта улууһугар сылын аайы Саха КВН күрэҕэ ыытыллара үтүө үгэскэ кубулуйда.
Быйыл оҕолорбутугар «Саха КВН» өрөспүүбүлүкэтээҕи күрэх, кулун тутар ый 27-28 күннэригэр, Тааттатааҕы норуот айымньытын дьиэтигэр ыытылынна. Барыта 8 хамаанда: «Сээркээн Сиэннэрэ» Уус-Алдан, “Чиккэстэр” Мэҥэ-Хаҥалас, “Хадаар Абытайдара” Чурапчы, “Ситик” Таатта, “Түмэн” Горнай, “Амака” Ньурба, “Duoraan” Уус – Алдан уонна “Дьулэй дьээбэлэрэ” Таатта муһуннулар. Улуустартан ордук бэлэмнээх, чочуллубут бырагыраамалаах, чаҕылхай оонньуулаах оҕолор мунньустан илин – кэлин түһүстүлэр. «Саха КВН» оонньооччуларын дэгиттэр талааннарын, булугас өйдөрүн сыаналыыр дьүүллүүр сүбэ маннык састаабынан үлэлээтэ:
1.Филиппов Евгений Алексеевич, Саха квн бэрэссэдээтэлин бастакы солбуйаачыта, өрөспүүбүлүкэтээҕи оскуола оҕолорун финалын дьүүллүүр сүбэ бэрэсэдээтэлэ
2.Андрей Тихонович Егоров, Сүрүн редактор, Студеннар лигаларын чемпиона, «Сборная ЯГСХА” хапытаана
3.Өркөн Михайлович Адамов, Кердеех “Eagles” Саха КВН хамаандатын көхтөөх оонньооччута, оскуола оҕолорун лигатын вице чемпиона
4.Дмитрий Захарович Анастатов, Көрдөөх «Eagles” САХА КВН хамаандатын хапытаана, Оскуола оҕолорун лигатын вице-чемпиона, Бүтүн өрөспүүбүлүкэтээҕи тыа ыччатын лигатын муҥутур кыайыылааҕа, “Көрдөөх Көкөт” анал аат хаһаайына.
5.Самсонов Станислав Алексеевич, Таатта улууһугар “Бастыҥнар хамсааһыннарын” олохтоох отделениятын специалиһа.
Күрэх 4 түһүмэҕинэн барда, ол эбэтэр: “Эҕэрдэлэһии”, “Уустук ыйытынньык”, «Хапытааннар күрэстэрэ», «Музыкальнай дьиэҕэ сорудах». Тобуллаҕас толкуйдаах, сахалыы сайдам тыллаах – өстөөх хамаандалар түмсүүлээхтэрин көрдөрөн маннык миэстэлэргэ уонна анал ааттарга тигистилэр:
1м.- “Түмэн” Горнай улууһун хамаандата
2м.- «Сээркээн Сиэннэрэ» Уус-Алдан улууһун хамаандата
3м.- “Duoraan” Уус – Алдан улууһун хамаандата
Анал бириис хаһаайыттарынан Ситик», Таатта улууһун хамаандата буоллулар.
Анал ааттар:
1. «Саха КВН эрэлэ»- “Хадаар Абытайдара” Чурапчы улууһа
2. «Наара суох» — “Чиккэстэр” Мэҥэ-Хаҥалас улууһа
3. «Бастыҥ эҕэрдэлэһии» — “Ситик” Таатта улууһа
4. «Уран тыл маастара» — “Duoraan” Уус – Алдан улууһа
5. «Алтан Чуораан»- “Дьулэй дьээбэлэрэ” Таатта улууһа
6. «Көрөөччүлэр биһирэбиллэрэ»-“Амака” Ньурба улууһа
7. «Мэкчиргэ мэйии»- «Сээркээн Сиэннэрэ» Уус-Алдан улууһа
8. “Бастыҥ куолас”- Прибылых Авелита “Түмэн”, Горнай улууһа
9. «Көрдөөх Көкөт» -Канаев Афоня «Ситик», Таатта улууһа
10. «Күн Күлүүк»- Шадрина Вика «Амака», Ньурба улууһа
11. «Бастыҥ топер» — Атастыров Саян, “Дьулэй дьээбэлэрэ” Таатта улууһа
12. «Саталлаах Саарыын» — Слепцова Анна Гаврильевна, Федорова Ульяна Викторовна, “Түмэн” хамаанда салайааччылара, Горнай улууһа
Өрөспүүбүлүкэбит кэлэр кэскилэ – бары өттүнэн сайдыылаах, чөл олохтоох, айар – тутар куттаах буола үүнэригэр туһуламмыт үлэбит куруук ситиһиилээх буоллун!
Матрена Дмитриевна Алексеева, педагог – организатор
Тааттатааҕы «Сатабыл» оҕо айымньытын дьиэтэ